Rosón anima a les estudiantes “a escribir la so propia hestoria” nel Girls in ICT Day

El conceyal d’Economía d’Uviñeu, Rubén Rosón, inauguró esta selmana cabera d’abril nel Vivarium de Praos de la Vega, La Corredoria, la xornada Girls in ICT, na que participaron  alumnos del Institutu Pando y cinco tecnólogues de la rexón.

La iniciativa, impulsada pola UIT,  organismu especializáu de les Naciones Xuníes pa les Tecnoloxíes de la Información y la Comunicación, tien como oxetivu acabar cola infrarrepresentación de les muyeres nel sector TIC, animando a les  moces a escoyer carreres tecnolóxiques. El conceyal aplaudió la celebración d’esti actu, entamáu per Uviéu Entama y CTIC Centru Tecnolóxicu y animó a les nuevos presentes “a escribir la so propia hestoria” nun sector qu’en 2007, yá daba trabayu a 7 millones de persones, de les que namá un 30% yeren muyeres. “Yá sabemos les consecuencies de que sían los homes los qu’escriban la hestoria” siguió Rosón, “nun tamos asina por casualidá”.

Cinco profesionales del sector, Aurora Barreru, presidenta d’Ástur Valley y decana del Colexu Profesional de Graduaos n’Inxeniería ya Inxeniería Técnica n’Informática d’Asturies, María C. Saornil, responsable de la Unidá de Visión por Computador en CTIC Centru Tecnologíco, María del Mar Sánchez, responsable de Comunicación y RRPP de Treelogic, Patricia Cueto, bioinformática en Dreamgenics, Sigrid Chánobas, presidenta de l’Asociación Asturiana de Videoxuegos y Sonia García, investigadora eHealth  en CTIC Centru Tecnolóxicu, fueron les encargaes d’animar a les alumnes del Institutu Pando a romper esa fienda dixital de les muyeres nes TIC” rellatando les sos esperiencies.

Toes elles animaron a les moces a realizar los sos suaños, yá que,  según Chánobas, “les úniques llendes poner vós”. Les espertes, terminaron   de convencer a les moces echando embaxo la imaxe de friqui” que pueden tener dalgunos de los sos puestos de trabayu. “Nun tamos nun zulo, a soles, ensin ventanes y con un flexu escomíu” llegó a comentar Barreru. El trabayu “ye bien gratificante” aseguró Patricia Cueto, quien rellató como gracies a el so llabor, los enfermos pueden optar a tratamientos médicos más efectivos y con menos efectos secundarios.