Publicáu’l Presupuestu municipal de Xixón pa 2017

Acordies con lo previsto na vixente Ordenanza de Tresoparencia, el Conceyu de Xixón facía públiques esta selmana les cifres correspondientes al Presupuestu municipal pal exerciciu de 2017, aprobáu en Plenu’l pasáu 27 d’avientu de 2016.

Los datos fueron cargaos en distintos formatos nel Portal de Datos Abiertos, y pa facilitar la so interpretación tamién tán disponibles nel portal Repara Xixón, que dexa crear gráficos a midida y faer esplotaciones pesonalizadas de la información.

Amás, incluyóse nel Portal de Tresparencia un apartáu específicu qu’apurre información adicional pa facilitar la intepretación de los datos, incluyendo distintos gráficos creaos a partir de los mesmos conxuntos de datos.

La información publicada inclúi los presupuestos de gastos ya ingresos, tantu del propiu Conceyu como d’otres entidaes del conceyu como la Fundación Municipal de Cultura, Educación y Universidá Popular, la Fundación Municipal de Servicios Sociales y el Patronatu Deportivu Municipal, según los datos correspondientes al presupuestu consolidáu, qu’inclúi amás a les sociedaes con capital municipal mayoritariu y les operaciones financieres ente esti conxuntu d’entidaes.