Portada Conceyos Programaos 190 eventos culturales n’Avilés hasta fin d’añu

Programaos 190 eventos culturales n’Avilés hasta fin d’añu

by redacción asturnews

Avilés vive y celebra la cultura, accesible y para tolos públicos, con capacidá p’atraer visitantes y asitiase a la vanguardia n’Asturies. Asina s’entiende pola rica programación cultural preparada na ciudá hasta fin d’añu, con 190 eventos, y momentos estelares, como los conciertos internacionales de la mexicana Lila Downs o los británicos Uriah Heep.

La música, col espectáculu de los artistes internacionales nel odeón avilesín y de talentu local na Factoría Cultural, al pie de les artes escéniques, dende’l Palaciu Valdés y el Centru Niemeyer, van ser protagonistes d’un intensu programa de seronda, con propuestes para prácticamente tolos díes nos distintos centros culturales avilesinos, y dalgunos con delles, que foi presentáu esta mañana por Yolanda Alonso, concejala de Cultura y Promoción de Ciudá.

Adelantró Alonso que “el trabayu de toles persones implicaes na ellaboración d’esta programación foi y ye intensu, en collaboración col texíu asociativo cultural avilesín, y nun se detien, porque siguimos esforciándonos nel so arriquecimientu. Este ye un programa vivu, qu’ensin dulda va tener más d’una novedá hasta final d’añu, con sorpreses que van encandilar al públicu”.

Reivindicó coles mesmes la edil el calter de la cultura como un motor económicu más, que xenera actividá directa ya indirecta, y afonda nel calter d’Avilés como referente nel ámbitu de les artes, como xuno de los motivos para visitanos y esfrutar de la nuesa rica ufierta, preparada pensando en que tolos públicos tengan opciones para escoyer. Una ufierta amplia y accesible”.

A sumar a tou esti conteníu, la concejala adelantró que va haber dalguna propuesta más pindia de confirmar que “vamos poder dar a conocer en curtia”. Y refirióse tamién a la programación navidiega que va tener “un altu componente cultural”.

Más información

Tamién te podria gustar