Portada Conceyos Cultura va cuntar en 2023 col so mayor presupuestu n’Uviéu: 12.450.000 euros

Cultura va cuntar en 2023 col so mayor presupuestu n’Uviéu: 12.450.000 euros

by redacción asturnews

Cultura va cuntar en 2023 col so mayor presupuestu n’Uviéu algamando los 12.450.000 euros. La partida ye 450.000 euros penriba la d’esti exerciciu, una medría de daqué más del 4 per cientu.

El presupuestu de la Fundación Municipal de Cultura va dexar caltener y consolidar la ufierta cultural de la ciudá y les nueves actividaes puestes en marcha esti mandatu como VESU, CAFCA, LINK, la Selmana Profesional del Arte o’l ciclu CIMCO, ente otros. El presupuestu inclúi una medría n’ayudes destinaes a asociaciones culturales hestóriques como la Sociedá Filarmónica o La Castalia, amás de caltener l’aportación de casi medio millón d’euros a la Fundación Ópera y amontar en 40.000 euros la destinada a la Fundación Musical Ciudá d’Uviéu, a la que pertenez Uviéu Filarmonía.

La Fundación Municipal de Cultura d’Uviéu va cuntar en 2023 con un presupuestu de 12,4 millones d’euros, 450.000 más qu’anguaño, lo que supon el mayor presupuesto destináu a programación cultural de la hestoria d’Uviéu, con una medría de más d’un 4% con al respective de esti exerciciu.

La partida que más xorrez con al respective de años anteriores ye la destinada a la programación d’actividaes, qu’aumenta 300.000 euros. Esti presupuestu va dexar caltener y consolidar les nueves actividaes puestes en marcha nesti mandatu, como los festivales de branu Vesu, CAFCA, LINK, la Selmana Profesional del Arte y los ciclos de jazz,  danza, teatru y artes escéniques. El presupuestu caltien la partida de más de 800.000 euros destinada a les Xornaes de Pianu y los Conciertos del Auditoriu, al Festival de Teatru Llíricu (Zarzuela) y al nuevu ciclu de Música de Cámara Interdisciplinar CIMCO. Nel Capítulu IV, el de tresferencies corrientes, el presupuestu de la Fundación Municipal de Cultura amonta la collaboración económica con diverses entidaes y organizaciones bien enraigonaes a Uviéu que contribúin  al espardimientu de la cultura y l’hestoria musical ente la sociedá, siendo éstos dalgunos de los fines que tienen que cumplir como beneficiarios de subvenciones públiques, como suxetos de derechu priváu que tienen un interés públicu. Nesti capítulu caltien l’aportación de 475.000 euros a la Fundación Ópera d’Uviéu, concretamente 475.000 euros, amontar en 40.000 euros la cuantía dedicada a la Fundación Musical Ciudá d’Uviéu, dientro de la que se engloba la orquesta Uviéu Filarmonía y la Banda de Música, que pasa a recibir 2 millones 970.000. La Fundación Municipal de Cultura amonta tamién la subvención directa a la histórica entidá Sociedá Filarmónica, que va pasar de recibir 25.000 euros a 35.000, y La Castalia, que va recibir 7.000 euros más, llegando asina a los 15.000 euros. Esti esfuerzu presupuestariu pretende sofitar la permanencia d’estes entidaes culturales y dota-yos de mecanismos por qu’amonten la so actividá y la so programación.
El conceyal d’Economía, Javier Cuesta y el presidente de la Fundación Municipal de Cultura, el conceyal José Luis Costielles apurrieron estes cifres en rueda de prensa. “Esti primer finxu del procesu presupuestariu, foi aprobáu güei nel Conseyu rector de la Fundación Municipal de Cultura, un total 12.450.000 euros, el presupuestu más importante tocantes a cifres nos nuesos cuatro años de gobiernu y del que cabo destacar el capítulu que se destina a actividaes culturales, con un total 7.240.720 euros, y más nun contestu complexu como’l del añu que vien nel qu’hai, dende un puntu de vista económicu y presupuestariu pol impactu que yá tamos sufriendo en términos reales de resultes de les medríes de los precios y de les esviaciones que suponen nos servicios municipales, esti equipu de gobiernu quixo que la Cultura siga siendo una de les nueses grandes apuestes y por tantu fiximos un gran esfuerzu”. El responsable municipal d’Economía tamién destacó “una segunda cifra -4 millones- destinada a les tresferencies y desenvolvimientu d’iniciatives en cooperación con terceros que la FMC lleva a cabu, un ambiciosu programa d’actuaciones”.

En palabres del presidente de la Fundación Municipal de Cultura, José Luis Costielles, “ye un presupuestu históricu pa Cultura que nos dexará afondar nel afitamientu de les nueves actividaes instauraes a lo llargo d’esti mandatu y enraigonar una programación inédita, dirixida a un públicu que nun atopaba n’Uviéu una ufierta asemeyada. La mayoría d’eses nueves actividaes algamaron nesti 2022 la so tercera o segunda edición, y la so crecedera tocantes a públicos y asistencia foi bien señaláu. UNA medría presupuestaria de sobra xustificáu, teniendo en  cuenta que dexa faer coses pa los ciudadanos como esta pasada Nueche Blanca, na que la ciudá entornóse”.

Tamién te podria gustar