Presentose’l “Asturies documental Social”

El director de l’Axencia Asturiana de Cooperación al Desarrollu, Rafael Palacios, presentó esti llunes col conceyal de cultura del Ayuntamientu de L.lena, David Suárez, la programación de la segunda edición de ‘Asturies Documental Social 2009’, que va desendolcase del 13 al 23 de mayu en La Pola.

Les actividaes programaes van d’un cliclu de cine documental nel Teatru Vital Aza, nel que van proyeutase obres de diferentes países d’América Llatina, como Brasil, Cuba, Uruguai, México o Chile, como ye’l casu del documental ‘Calle Santa Fé’, de la directora Carmen Castillo, a charres, video-Forums, obres de teatru, música, esposiciones o talleres escolares que se van desarrollar nos centros de primaria y Secundaria de la Comarca del Caudal.

Les Xornaes tienen la so xornada central esti sábadu 16, ente les 12.00 y les 19.00 hores, día nel que va tener llugar un Mercáu na Plaza Alfonso X el Sabio.