Presentación na FNAC de la nueva versión d’Ubuntu

Esti sábadu 30 d’abril de les 11 a les 14 hores y de les 16 a les 20 va presentase na FNAC de Parque Principado (Siero)la versión 11.04 d’Ubuntu (asoleyada ayeri xueves). Amás habrá un taller d’instalación y una charra pa la iniciación nesti sistema operartivu llibre, gratuitu y disponible n’asturianu, ente otros idiomes.

Les asociaciones Softastur, dedicada a la traducción de Software Llibre al asturianu, Asturlinux, Mousetrap y Ubuntu Asturies entamen en, collaboración con Ubuntu User y la FNAC una charra y un taller d’entrada llibre y gratuita pa presentar la versión nueva d’Ubuntu (GNU/Linux), 11.04, asoleyada ayeri, tamién deprenderán a instalar y utilizar esti sistema opertativu disponible en 43 idiomes ente ellos l’asturianu.

Ubuntu 11.04 incluye como principal novedá l’entornu d’escritoriu Unity que revoluciona la forma na que’l usuariu interactua col sistema, simplificandolo al máximu.

El sistema puede convivir con otros, como puede ser Windows, nel mesmu equipu lo que facilita el procesu d’adautación.

Ubuntu inclui amás una bultable cantidá de software que permite facer too tipo de xeres, que van dende la más cenciella redaición d’un testu a la edición de videu y el retoque fotográficu, hasta trabayar como sirvidor de páxines web n’internet, por poner unos exemplos.

Xeres como grabar cd, compartir ficheros en redes p2p, reproducir películes o música tan disponibles na instalación básica del sistema. Colo que nun fai falta andar a la gueta de software adicional pa les xeres más cotidianes.

Les persones interesaes en instalar el sistema nel so equipu (y que quieran mantener el sistema actual) tienen de consultar