Sociedá La Xunta pola Defensa de la llingua del Suroccidente entama’l II Alcuentru d’Escritores n’asturianu occidental by asturnet 29 de payares, 2006 La Xunta pola Defensa de la Llingua Asturiana nel Suroccidente entama pa los díes 2 y 3 d’avientu’l so II Alcuentru d’Escritores n’Asturianu Occidental. Les sesiones del Alcuentru desenvolveránse nel Teatru Conde Toreno de Cangas. El filólogu, y miembru de la Xunta pola Defensa de la Llingua, Fernando Álvarez Balbuena va entamar los Alcuentros cola conferencia titulada “¿Yía normal escribir na variedá occidental de la l.lingua? Propuesta dunas pautas ortográficas integradoras ya suplementarias a la normativa oficial”, la ponencia esplora les posibilidaes que permite la normativa de l’Academia de la Llingua pa escribir na variante occidental del idioma. Vicente García Oliva falará sobre la historia de la lliteratura nel asturianu occidental nuna conferencia titulada “Nel principiu fue’l cuentu”. Hector García Xil, filólogu, espondrá la so conferencia sobre “La deturpación de la llingua en Cuentos del Sil”, nesta conferencia Hector Xil comentará los diferentes estilos ortográficos nesta monografía sobre los cuentos de la comarca del Sil. Darréu estes ponencies entamaran una riestra comunicaciones nes que participarán Francisco González y Naciu i Riguilón sobre “L’aventura del Cudoxu” y Tradición Oral y lliteratura”. Esti día fadráse un homenaxe La xornada del domingu entamará cola coles comunicaciones de Berto Álvarez Peña, del Conceyu d’Estudios Belenos, Vitorino García, xerente de “El rincón Cunqueiru” y la filóloga Iris Díaz Trancho qu’asoleyarán les sos comunicaciones pa dar darréu pasu a un alderique sobre “tradición oral, cultura popular y territorios na lliteratura n’asturianu occidental” que va moderar Fernando Álvarez Balbuena y que pondrán el peslle de les xornaes. 29 de payares, 2006 0 FacebookTwitterPinterestEmail
Sociedá Más de 10 mil persones piden nes cais d’Uviéu la oficialidá by asturnet 19 de payares, 2006 Más de 10 mil persones, sigún los convocantes, y 6 mil persones, sigún la policía local, axuntárones esti sábadu 18 de payares nUviéu respondiendo a la convocatoria del Conceyu Abiertu Pola Oficialidá pa reclamar la Oficialidá de la Llingua Asturiana nel Estatutu dAutonomía dAsturies. Una improvisada banda de gaites protagonizó la xornada nuna manifestación nocherniega, quentamó a les 18:30 de la tardi dende la Estación del Norte de Renfe. El Conceyu Abiertu pola Oficialidá convocól sábdu a la ciudadanía asturiana baxo’l lema “Na reforma del estatutu l’asturianu llingua oficial” y llogró una importante presencia de manifestantes nuna xornada quamenazó cola lluvia tol día, anque a lo postrero desendolcóse nuna tarde típica de la seronda más bona. La primbera pancarta de la manifestación llevaronla representantes de la sociedá civil asturiana como José Ramón Sariego, de l’Asociación de vecinos de Pumarín, Uviéu; Santi Caleya, músicu; Ana Maria Cano, Decana de la Faculta de Filoloxía y Presidenta de l’Academia de la Llingua; Xosé Nel Riesgo, xeógrafu y miembru de la Fundación Belenos; Celia González, del Coleutivu Muyeres; Fructuoso Pontigo Concha, Coordinadora Ecoloxísta; Maria Jesús Rodríguez, escultora, o lescritor Xuan Bello. La segunda pancarta del cortexu portábenla representantes de los diferentes partíos, sindicales y organizaciones que componen el Conceyu Abiertu pola Oficialidá, colos representantes dIzquierda Xunida, Francisco Javier García Valledor y Jesús Iglesias, y el representante del Bloque por Asturies, Rafael Palacios, no cimero de la mesma. Per delantre de les pancartes del Conceyu Abiertu pola Oficialidá más de venti bandes de gaites y 200 gaiteros daben pasu al cortexu cívicu que percorrió les cais de la capital del país esixendo los sos derechos llingüísticos. La manifestación concluyó na plaza de la Catedral cola intervención, en nome de les 170 organizaciones que componen el CAO, d’Ana Vanessa Gutiérrez que lleía’l manifiestu del CAO pa dar pasu a un conciertu final nel que tocaben Santi Caleya, Carlos Rubiera y Los Gatos del Fornu. 19 de payares, 2006 0 FacebookTwitterPinterestEmail
Sociedá La sociedá civil pola oficialidá. El CAO convoca a la ciudadanía a participar na Manifestación del 18 de payares by asturnet 17 de payares, 2006 El Conceyu Abiertu pola Oficialidá convocó ayer a la ciudadanía asturiana a participar na manifestación del 18 de payares. La manifestación entamará a les 18 hores na estación del Norte d’Uviéu, Renfe, baxo’l lema “Na reforma del estatutu l’asturianu llingua oficial”. Fernando Ornosa, portavoz del Conceyu Abiertu pola Oficialidá, acompañáu por Luís Arias Argüelles Meres y Francisco Javier Fernández Conde anunciaron la convocatoria de la manifestación. Les empreses que s’anunciaron nel portfoliu del Conceyu Abiertu collaboren económicamente colos gastos de la convocatoria. La primbera pancarta de la manifestación llevaránla representantes de la sociedá civil asturiana na que van tar ente otres persones: Amelia Valcárcel Bernaldo de Quirós, miembra del Conseyu d’Estáu; José Ramón Sariego, de l’Asociación de vecinos de Pumarín, Uviéu; Toño Velázquez, entrenador del Real Uviéu; Santi Caleya, músicu; Ana Maria Cano, Decana de la Faculta de Filoloxía y Presidenta de l’Academia de la Llingua; Xosé Nel Riesgo, xeógrafu y miembru de la Fundación Belenos; Celia González, del Coleutivu Muyeres; Fructuoso Pontigo Concha, Coordinadora Ecoloxísta; Maria Jesús Rodríguez, escultora. La segunda pancarta del cortexu llevaránla representantes de los diferentes partíos, sindicales y organizaciones que componen el Conceyu Abiertu pola Oficialidá. Darréu les pancartes del Conceyu Abiertu pola Oficialidá más de venti bandes de gaites y 200 gaiteros darán pasu al restu del cortexu cívicu que recorrerá les cais de la capital del país esixendo los sos derechos llingüísticos. La manifestación concluirá na plaza de la Catedral cola intervención, en nome de les 170 organizaciones que componen el CAO, d’Ana Vanessa Gutiérrez que lleerá’l manifiestu del CAO pa dar pasu a un conciertu final nel que tocarán Santi Caleya, Carlos Rubiera y Los Gatos del Fornu. El portavoz del Conceyu Abiertu pola Oficialidá, Fernando Ornosa, fizo un llamáu d’atención a los partíos políticos mayoritarios, PSOE-FSA y PP, pa que nos sos programes electorales afiten un marcu llegal pal asturianu, y pal gallego-asturianu, de mou que s’abran les puertes a la oficialidá na próxima reforma del Estatutu. Fernando Ornosa volvió ufrir la oferta de diálogu del Conceyu Abiertu pola Oficialidá a los llíderes de los partíos políticos con representación parlamentaria pa “iguar la llaceriosa situación de los derechos llingüísticos de los y les asturianes”. L’escritor, profesor y articulista Luis Arias Argüelles-Meres presentóse como un ciudadanu ensin vinculación con nenguna plataforma política, sindical o de cualesquier otra triba que nagua pola reconocencia de los derechos llingüísticos de la población asturiana. P’Argüelles Meres el derechu a emplegar l’asturianu ha ser reconocíu como un derechu cívicu. Luis Arias Argüelles-Meres fizo un llamáu a emplegar les diferentes canales d’información como elementos normalizadores del usu de la llingua. P’Argüelles-Meres el problema llingüísticu ye un bon exemplu de la “incapacidá d’esta tierra pa resolver los sos problemes”. Francisco Javier Fernández Conde, catedráticu d’Historia Medieval y Académicu de la Llingua Asturiana dixo sintir “pena ente la terquedá de la clas política asturiana” que viendo morrer a la llingua asturiana negábase a atender les demandes ciudadanes pa la so salvación. El Catedráticu afirmó que los intentos de diálogu colos políticos asturianos, sobre la cuestión llingüística, yeren similares a tar “falando con una paré”. Pa Fernández Conde la cuestión llingüística ye un compromisu cola tierra, dalgo intimamente xuníu al futuru de la esistencia d’Asturies nel mundu de la globalización. El catedráticu realizó paralelismos ente les diferentes llingües mayes, y los pueblos, d’América llatina y la situación llegal del asturianu, mientres que les llingües mayes son consideraes oficiales n’Asturies l’asturianu nun tien esa consideración. Pa finar dixo que “ensin oficialida, la llingua asturiana ta condenada a morrer”. 17 de payares, 2006 0 FacebookTwitterPinterestEmail
Música Los músicos afiten n’Ayande la necesidá de camudar les cadarmes de la promoción musical asturiana by asturnet 13 de payares, 2006 El destín de les subvenciones y la profesionalización de la industria cultural y musical asturiana foron delles de les cuestiones centrales del alderique que caltuvieron músicos, críticos, periodistes ya investigadores en La Puela d’Ayande, convocaos pola Fundación Belenos nel so VII Seminariu d’Estudios Asturianos pa falar de La música tradicional asturiana. Actualidá, tendencies y evolución. Los díes 11 y 12 de payares cellebróse na Puela d’Ayande el Seminariu d’EStudios Asturianos de la Fundación Belenos, qu’algamaba la so séptima edición. Esti añu dedicóse a la música tradicional y la so evolución nos últimos años. Y pa ello la Fundación Belenos cuntó con especialistes na materia como ye’l casu de Xosé Ambás, José Ángel Hevia o Ismael González Arias. El sábadu 11 de Payares entamaron los alcuentros, tres de la presentación de Lisardo Lombardía y l’alcalde d’Ayande, con una conferencia de Xosé Ambás col títulu de “El fondu de la tierra: la voz de la tradición na música asturiana danguanu, na que’l cantante ya investigador ufrió una bona amuesa de fontes orixinales nes que basaran les sos composiciones grupos como nos que participa elli y dellos otros casos de la música folk d’anguaño. Ambás dexó bien afitada la importancia de les fontes orixinales nel remanecer del folk asturianu. Tres de la conferencia d’Ambás toco-y el turnu a Inaciu Llope y la so conferencia Los signos del aire: una xenealoxía del folk asturianu, na que fizo un repasu enforma granible de la evolución reciente de la música folk nel país. Y tres de la xinta aportó la conferencia de José Angel Hevia, qu’embaxo’l títulu Industria cultural y música asturiana averó al públicu qu’enllenaba’l salón d’actos del Ayuntamientu d’Ayande a la necesidá de afrontar la música folk dende una perspeutiva más comercial ya industrial, al empar de los tiempos d’anguañu. Hevia debatió tres de la so conferencia dellesde les cuestiones per elli plantegaes, como’l tratu del músicu cola SGAE y la necesidá de firmar los arreglos de les músiques tradicionales emplegaes nes composiciones por parte’l músicu, dexando a les clares la so opinión de que les subvenciones deberíen empobinase a la promoción del consumu y non a la edición. El sábadu 11 presentóse tamién el discu colectivu “Homenaxe a Aires de Palo”, nel Café Centro de La Puela y, darréu cellebróse un Filandón nel mesmu llugar. Les xornaes finaron el domingu con una Mesa reonda sobre la Música tradicional asturiana: estáu de la cuestión, que moderada por Lisardo Lombardía cuntó cola participación d’Aurelio Argel, críticu musical, Ismael González Arias, Escritor y críticu musical,Ignaciu Llope y los músicos Xosé Ambás y José Ángel Hevia. 13 de payares, 2006 0 FacebookTwitterPinterestEmail
Sociedá Continúen los actos de l’Arribada 2006 by asturnet 24 d'ochobre, 2006 La tercera xornada de L’Arribada 2006 va tener, a les 18,00 hores na sala de conferencies del Antigüu Institutu de Xixón, un alcuentru de les Voces poétiques de la mar de San Llorienzo que va cuntar cola presencia de los poetes L.luis Fernández, Inaciu Galán, Aurora García Rivas y Helena Trejo Fombella. Darréu, a les 19,00 hores, na Escuela d’Hostelería y Turismu de Xixón, habrá una intervención d’Hasier Etxebarria y David de Jorge nel marcu del ciclu “Nuevos rumbos de la lliteratura asturiana: la gastronomía”. A les 20,00 hores fadráse una mesa redonda na que van participar David de Jorge, Lluis Nel Estrada, Hasier Etxeberria y Serxu Solares Reseña biográfica d’Hasier Etexeberria y David de Jorge HASIER ETXEBERRIA Periodista y escritor d’una veintena de llibros de lliteratura, foi pioneru en televisión en cuestión de programes gastronómicos, onde cocineros como Karlos Arguiñano dieron con él los primeros pasos. Lo más granao de la cocina vasca pasó poles emisiones: Arzak, Arbelaitz, Berasategui, Pildaín, etc.Anguaño presenta una emisión lliteraria, unu de los ocos oasis en televisión, Satúrela, y publica, sobre too narrativa, amás de collaborar en diversos periódicos y medios de comunicación. Ganador del Premio Antena de Oro de Televisión y otros, y solu o acompañáu, espublizó dellos llibros de conteníu gastronómicu. DAVID DE JORGE cocineru profesional, nos fogones hasta los treinta años, hoi dedícase a llabores mui diverses de xestión y promoción con Martín Berasategui (Restarantes Guggenheim-Bilbao, Kursaal, Kukuarri, Bodegón Alejandro y Martín Berasategui) y con Andoni Luis Aduriz (Restaurante Mugaritz), trabayando amás en suculentos proyectos pa la industria de l’alimentación. Deprendió a cocinar con José Ignacio Celaya, Félix Altolagirre, Pedro Subijana, Hilario Arbelaitz, Michel Guérard, Jacques Chibois y Martín Berasategui, ente otros.Foi nomáu hai unos años Mejor Cocinero Joven de España. 24 d'ochobre, 2006 0 FacebookTwitterPinterestEmail
Patrimoniu Premiu de calidá turística 2006 pa los conceyos de Gozón y Ribedeva by asturnet 10 d'ochobre, 2006 El Principáu d’Asturies, na sección de corporaciones locales, decidió ayeri nel xuráu de los premios de calidá turística reconocer a comuña los conceyos de Gozón y Ribedeva, mentes que’l premiu«Turemprende» 2006, que distingue la meyor iniciativa empresarial turística asturiana, foi pal Hotel Casa Pedro, de Santalla d’Ozcos. La dirección Xeneral de Turismu del Principáu entrega estos premios cola fin de valorar los axentes turísticos de la rexón que destaquen pol serviciu, el tratu, el cuidáu, la imaxe y la puesta en valor de los recursos autóctonos. L’ establecimientu de restauración El Llar de Viri, de Candamu, y La Casona I de Pravia, tamien foron reconocíos con estos premios, mentes que’l d’empresa de turismu activu quedó ermu. La escelencia turística foi pal restaurante Palermo, de Tapia, y los hoteles La Cepada, de Cangues d’Onís, y Regente d’Uvieu. Per otra parte, el primer premiu del II Concursu de fotografía dixital ‘Tineo entrefotos’ foi pa la semeya titulada ‘Desde el Bar Centro’ de Manuel Benigno Fernández. El segundu y tercer premiu, foron pa ‘Sobre el río Navelgas’ de Gregorio Acebes y ‘Braña’ de Jesús Rodríguez. 10 d'ochobre, 2006 0 FacebookTwitterPinterestEmail
Lliteratura El Centru Asturianu de Madrí acueye esta tarde la presentación de l’Arribada 2006 by asturnet 4 d'ochobre, 2006 El Salón Príncipe d’Asturies del Centru Asturianu de Madrí ye’l sitiu escoyíu pol Conceyu d’Escritores Asturianos pa presentar güei, a les ocho la tarde, la Selmana Cultural que los díes 23 y 30 d’ochobre se va celebrar en Xixón baxo’l nome Arribada 2006. Nel actu de presentación, los escritores y miembros del Conceyu Humberto González, Xose María Vega y Xose Nel Riesgo van presentar les sos obres lliteraries. Humberto González, presidente de l’Asociación d’Escritores y Traductores en llingua asturiana (ETLLA), va presentar el so poemariu ‘Decenariu’ mentes que Xose Nel Riesgo, miembru del colectivu Belenos va facer lo propio cola so última novela, ‘Parque temáticu’. Pela so parte, Xose María Vega, historiador, estudiosu de la cultura asturiana y conductor de programes en TeleAsturias y Televisión Local de Xixón va presentar ‘Tierra de Xigantes’. 4 d'ochobre, 2006 0 FacebookTwitterPinterestEmail
Lliteratura Xixón acueye l’Arribada 2006, un encuentru que va axuntar a escritores, investigadores y editores pa falar de la lliteratura asturiana by asturnet 2 d'ochobre, 2006 El prósimu xueves, 5 d’ochobre, a les 20 hores, nel salón “Príncipe de Asturias” del Centru Asturianu dde Madrid, allugáu na calle Farmacia 2, los escritores Xose María Vega, Xose Nel Riesgo y Humberto González, van presentar l’avance de programa de l’”Arribada 2006. Vagamar lliteraria en Xixón”, un congresu que va tener llugar del 23 al 29 d’ochobre, baxo la organización y coordinación de la Secretaría Tecnica de l’Arribada (formada por miembros del Conceyu d’Escritores y representantes del mundu social, económicu y cultural de Xixón), y que va acoyer “un alcuentru abiertu, dinámicu y modernu, onde les palabres van allugase na mar xeneroso de la lliteratura asturiana”. Durante siete díes escritores, investigadores y editores, afondarán nel Centru de Cultura Antiguu Institutu de Xixón nes circunstancies qu’arrodien a la nuestra lliteratura, nos sos problemes de desarrollu y espardimientu y na so evolución. Nesta Arribada 2006, que va tener un periódicu propiu llamáu ‘Vagamar’, habrán diferentes presentaciones, meses redondes, tertulies, recitales y actuaciones que van axuntar a lo más granao y representativo de la lliteratura asturiana. El programa previstu pa esta Arribada ye’l siguiente: Llunes 23 17.00 h: Inauguración 18.00 h: Presentación de Vagamar, periódicu de l’Arribada 2006 19.00 h: Nuevos rumbos de la lliteratura asturiana: los viaxes Ulises en casa por Xuan Santori 20.00 h: Mesa redonda: Ismael María González Arias, Xose Nel Riesgo , Milio Rodríguez y Xuan Santori. Martes 24 17.00h: Nuevos rumbos de la lliteratura asturiana: l’erotismu El ratu y l’asturcón por David Rivas 17.45 h: Mesa redonda: Humberto González , David Rivas , Xose María Vega y Frichu Yustas Miercoles 25 17.00 h: Mesa de tertulia: Voces poetiques na mar de San Llorienzo, con L.luis Fernández, Inaciu Galán, Aurora García y Helena Trejo 18.00 h: Presentación de Na boca de toos. Retratu poeticu actual del occidente asturianu 19.00 h: Actu na Escuela d’Hostelería y Turismu de Xixón Nuevos rumbos de la lliteratura asturiana: la gastronomía “Lliteratura a la carta” por Hasier Etxebarria y David de Jorge 20.00 h. Mesa redonda: David de Jorge, Lluis Nel Estrada, Hasier Etxebarria y Serxu Solares Xueves 26 17.00 h: Presentación de “Cuentos curtios de la Tertulia cultural El Garrapiellu” 18.00 h: Nuevos rumbos de la lliteratura asturiana: el cine La pallabra filmada por Ramón Lluis Bande 19.00 h: Mesa redonda con Ramón Lluis Bande, Jose Braña, Ruben Cienfuegos y Jose Luis Ruíz 20.00 h: Presentación de la Coleición Tiempu de cristal del Atenáu Obreru de Xixón Vienres 27 17:00 h: Presentación de les últimes obres de la colección de narrativa contemporánea de Ambitu 18:00 : Presentación d’ Historia breve d’Asturies de Pilar Sánchez Vicente 19.00 h: Nuevos rumbos de la lliteratura asturiana: la mar Mar, costes y homes na lliteraura asturiana por Xuan Xose Sánchez Vicente 20.00 h: Mesa redonda con Ignaciu Llope, Xandru Martino, Xurde Morán y Xuan Xose Sánchez Vicente Sábado 28 11.00 h: Presentación de la revista lliteraria Formientu 12.00h: Recital poeticu de la Asociación Cultural Poesía, con Carmen Rueda, Eli Felgueroso, Aurora García Rivas, Armando Vega y Ricardo Candás; violoncelista Rebeca Gonzalo 13.00h: Mesa de tertulia: diccionarios y otros instrumentos d’usu del escritor, con Francisco Álvarez, David Guardado, Pablo Xuan Manzano y Xandru Martino 16.30 h: Nuevos rumbos de la lliteratura asturiana: l’ensayu El nacionalismu, esi gran enemigu por Inaciu Iglesias 17.00 h:. Mesa redonda con Jose María González,Roberto Gonzalez, Inaciu Iglesias y Lluis Portal Hevia 18:00 h: Presentación de dos antoloxíes pa neños de la editorial Trabe 19.00 h: Nuevos rumbos de la lliteratura asturiana: la creatividá Notes sobre creatividá: inspiración y imitación por Berta Piñán 20.00 h: Mesa redonda con Mª Esther García, Pablo Rodríguez. Medina, Berta Piñán y Xulio Vixil 22,30h: 2ºCertame de monólogu modernu, na sala Albeniz de Xixón Domingu 29 10,00h: Espaciu de debate 12:00h : Conclusiones de l’Arribada 2006 13.00 h: Clausura Coorganiza la Oficina de Política Llilngüística del Principáu. Sofiten los siguientes departamentos de l’alministración local; la Oficina Municipal de la Llingua y la Fundación Municipal de Cultura, Educación y Universidá Popular. Collaboren, ente otros, l’Ateneu Obreru de Xixón, el Círculu Astur, l’Asociación Cultural Poegía, la Tertulia Cultural El Garrapiellu, l’asociación H.A XAREOS, y les editoriales Ámbitu, Trabe y VTP. 2 d'ochobre, 2006 0 FacebookTwitterPinterestEmail
Comunicación L’Asociación de Periodistes Europeos va celebrar n’Asturies el so XLIV Congresu Internacional by asturnet 1 d'ochobre, 2006 L’Asociación de Periodistes Europeos (APE) va celebrar la so XLIV Congresu Internacional y la so Asamblea Xeneral n’Uvieu, ente’l 5 y el 7 d’ochobre próximos, con motivu de la celebración del XXV Aniversariu de los Premios Príncipe d’Asturies. Más d’un cientu de profesionales de la informaicón de venti países diferentes van reunise nel Hotel Reconquista pa debatir sobre la responsabilidá de los periodistes na sociedá d’anguaño. Baxo’l títulu”Deberes internacionales de la Unión Europea: Poder y responsabilidá de los periodistes”, el XLIV Congresu Internacional de l’Asociación de Periodistas Europeos va analizar el papel d’Europa na escena internacional nuna primer sesión de debate, na que van participar como ponentes el director de la Gazeta Wyborza de Polonia, Adam Michnik; l’escritor chilenu y Premiu Cervantes 1999, Jorge Edwards; el director de Relaciones Esteriores y Multilaterales del Conseyu d’Europa, Jack Hanning. Moderada pol periodista asturianu y miembru del conseyu de dirección de RTVE Diego Carcedo, na sesión tamien van intervenir el diplomáticu y escritor Jose María Ridao, l’editor d’European Business Magazine, Athanase Papandropoulos; el presidente del conseyu de dirección de l’axencia de noticies checa CTK, Tomas Vrba; la corresponsal en Madrí del selmanariu alemán Der Spiegel, Helene Zuber; y Michel Theys, de l’Agence Europe de Belxica. Los participantes tamien van estudiar nuna segunda sesión el papel de los periodistes y los medios europeos ente los grandes conflictos del sieglu XXI. Esti debate va tar moderáu por Eileen Dunne, presentadora d’informativos de la RTE1 d’Irlanda, y van participar como ponentes Sylvain Cypel, redactor xefe del diariu frances Le Monde; l’escritor y periodista Juan Cueto, especialista en comunicación audiovisual y patronu de la Fundación Príncipe d’Asturies; y María Fernanda Gabriel, corresponsal de la Radio Televisión Portuguesa (RDP-RTP). Como comentaristes, van intervenir Felipe Sahagún, miembru del conseyu editorial del diariu El Mundo; William Horsley, corresponsal en Bruseles de la BBC; l’escritor y periodista alemán Horst Keller; Javier Fernández Arribas, director d’informativos de Punto Radio; y Pascale Bourgaux, de la RTBF belga. L’Asociación Europea de Periodistes (APE) fundóse en 1961 en San Remo (Italia) por 70 periodistes de los entós seis estaos miembros de la Comunidá Económica Europea. Anguaño, tien 22 secciones nacionales y como organización independiente ensin ánimu de lucru mantien relaciones cola UNESCO y esfruta del estatus consultivu del Conseyu d’Europa. 1 d'ochobre, 2006 0 FacebookTwitterPinterestEmail
Música Presentación d’ ‘Enxamás ye pa siempres’ de Niundes en Cualloto by asturnet 23 d'agostu, 2006 El grupu llaniscu Niundes, formáu nel añu 2001 por Isidro Suárez, Roberto Tárano, Omar Ceballos, Jonathan Ward, Ramonín González y la vocalista Belen Díaz, presenta esta nueche, a partir de les diez, nel restorán de Tierra Astur en Cualloto el primer discu de so que lleva por títulu ‘Enxamás ye pa siempres’. Dientro de los xueves musicales organizaos pola sidrería Tierra Astur de Cualloto, el grupu llaniscu Niundes va facer presentación del que ye’l primer discu de so: ‘Enxamás ye pa siempres’. Entemeciendo los sones tradicionales asturianos, esti grupu de música folk reconozse heriede del movimientu folk americanu de los 60, popularizáu por Bob Dylan, asina como del denomináu ‘soníu atlánticu’, representáu por figures como la Bothy Band, Tannahill Weavers, Planxty, Kornog, Altan y los asturianos Llan de Cubel. 23 d'agostu, 2006 0 FacebookTwitterPinterestEmail