Nun hai startups españoles ente los unicornios d’Europa

Sigún los espertos del sector, l’ecosistema español d’empreses tecnolóxiques nun ta inda lo suficientemente maduru pal surdimientu d’unicornios, esto ye, startups valoraes en más de 1.000 millones de dólares estadounidenses.

Sicasí, cuando llegue’l momentu, nun van faltar candidates a convertise nel Uber o Spotify español, pos a pesar de la mocedá del sector, dientro de les fronteres del país hai muncho movimientu, sobremanera dende Barcelona y Madrid.

Como amuesa esta infografía de Statista, otres economíes europees sí algamaron esti nivel de maduror, convirtiéndose en trubiecu d’empreses tecnolóxiques güei tan conocíes como Spotify, BlaBlaCar y Skype. De toa Europa, el país que les sos empreses unicornio suman un mayor valor ye Reinu Uníu, nel que toes elles algamen los 49.900 millones de dólares estadounidenses, según un informe de GP.Bullhound.