La Corredoria va allugar a partir de payares «el mayor centru de formación d’Asturies». Tratarsedel proyectu qu’impulsó’l Grupu Meforma tres l’alquisición, va un añu, del edificiu del Grupu Planeta, allugáu na plaza Juanín de Mieres.

Con una inversión de dos millones d’euros y un espaciu de 2.000 metros cuadraos esta empresa, dedicada a la formación ensin reglar, va empezar a impartir les distintes enseñances nes próximes selmanes.

La novedá na so ufierta educativa pasa pola creación de la primer Escuela Cimera d’Aeronáutica de la rexón y la impartición de cursos de Realidá Virtual y Creación y Diseñu de Videoxuegos. Too esto complementaráse cola formación presencial para la preparación de too tipu d’oposiciones o de certificaos de profesionalidá como vien desenvolviendo esti grupu, que cunta yá con una see na cai Santa Susana, que va caltener y va compaxinar tres l’apertura de la instalación de La Corredoria.

El centru de formación d’altu rendimientu ta pindiu de recibir la llicencia municipal d’apertura, pero too apunta a que nes próximes selmanes tea too «n’orde», aseguraron dende Meforma. «L’edificiu yá ta amobláu y decoráu y esta selmana vamos empezar a exercer les primeres actividaes destinaes a los profesionales que van formar parte del proyectu. Va Haber xuntes col profesoráu, col equipu de pedagogos y seminarios para tolos emplegaos, polo xeneral», apunta Pablo Blanco, CEO del Grupu Meforma. «L’oxetivu ye qu’en payares arrinquemos cola actividá académica».

Tratase d’un centru de formación priváu, dotáu de tecnoloxía pionera, nel que se van impartir estudios de realidá virtual y creación de videoxuegos enfocaos al mundu sanitariu, científicu y hestóricu. «Esti sector cunta con una alta demanda d’empléu a nivel nacional por eso enllantar equí», argumenta Blanco. «Nós lo que buscamos ye ufiertar cursos con una alta demanda d’empléu».

El centru tamién va allugar una Escuela Aeronáutica -«para formar y preparar a futuros pilotos d’avión y a azafatas de vuelu», espliquen el xestores del centru. «El cursu para formar a los futuros tripulantes de cabina de pasaxeros ye una marca nueva que vamos ufiertar». La media de puestos de trabayu rellacionaos con esti sector algamen «los 800.000, la metá d’ellos para’l continente européu», precisa’l director de Meforma. «Tolos meses reciben ufiertes y convocatories d’empléu para puestos de tripulante de cabina», ejemplifica.

Les preinscripciones para matriculase nellos yá tán abiertes. Pel momento, dolce son los alumnos qu’echaron solicitú para’l cursu de Tripulante de Cabina. Quince haber fechu para’l de Realidá Virtual y Diseñu de Videoxuegos.