Sociedá El PEC va acoyer esti 6 de payares una nueva edición del Investment&Markets by redacción asturnews 5 de payares, 2019 written by redacción asturnews 5 de payares, 2019 52 200 profesionales del sector financieru van dase cita nel foru Investment&Markets nel que se van amosar les actuales perspectives de los mercaos financieros y productos d’inversión pa 2020. L’eventu tamién ta dirixíu a pequeños aforradores y accionistas; entidaes financieres y empreses especializaes en xestión de patrimonios y productos d’inversión. El conceyal de Turismu, Alfredo García Quintana, presentó esta mañana’l V Foru d’Inversión y Mercaos Financieros Investment&Market, que se va celebrar el próximu miércoles, día 6 de payares, nel Palaciu de Congresos y Exposición “Ciudad d’Uviéu” a partir de les 9:30 hores. El conceyal sorrayó la importancia d’esti tipu d’eventos per “tolo qu’apurren al sector turísticu de la ciudá” y ye que tan solo esti Foru va atraer hasta Uviéu a “200 profesionales de los mercaos financieros” llegaos dende tolos puntos d’España. Según detalló Guadalupe Zapico, directora de Working Comunicación, entidá organizadora del eventu, el Foru Investment&Markets ye “una ocasión única n’Asturies pa conocer directamente de la mano d’espertos y profesionales de primer nivel les actuales perspectives de los mercaos financieros y productos d’inversión para 2020”. L’eventu tamién ta dirixíu a pequeños aforradores y accionistes qu’inverten el so dineru directamente o bien al traviés de fondos d’inversión, empreses especializaes en xestión de patrimonios y productos d’inversión o n’entidaes financieres” que van poder ampliar les sos conocencies sobro “la importancia de cuntar con un bon asesoramientu financieru, aspeutos tributarios relativos al aforru y l’inversión, operativa bursátil, cómo caltener l’aforru nos nuevos tiempos, la industria de la xubilación, situación y mires de los mercaos…” L’eventu cunta dende va trés años col sofitu de EFPA España, asociación que se constituyó como iniciativa de autorregulación pa los servicios d’asesoramientu financieru personal. La conferencia inaugural va correr a cargu del delegáu territorial del Comité de Servicios a Asociaos EFPA España, José María Montalvo, quien apostó pola formación continua de los profesionales”. En total, esta asociación certificó yá a 32.000 profesionales, 888 d’ellos, n’Asturies. Más información ya inscripciones en info@working-comunicacion.com 0 FacebookTwitterPinterestEmail Anterior La Corredoria va cuntar col «mayor centru priváu de formación d’Asturies» siguiente El comerciu del Uviéu Antiguu revitalízase gracies a la campaña #CéntrateEnElAntiguo Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...