Neños y neñes d’Avilés aprienden con tabletes multimedia

Los 108 alumnos y alumnes del últimu cursu  de les 3 escueles de primer ciclu d’educación infantil d’Avilés aprienden dende esti cursu al traviés d’un proyectu de nueves tecnoloxíes.

El proyectu incorpora herramientes multimedia (20 tabletes) nes aules no que l’alcaldesa Mariví Monteserín atalanta que ye “un recursu didácticu bien interesante pa la enseñanza y l’aprendizaxe que s’imparten nestes escueles”.

L’alcaldesa Mariví Monteserín presentó a los medios de comunicación esta nueva iniciativa que “refuerza’l proyectu educativu nos primeros años d’aprendizaxe, ye un pasu más nel apueste del Conceyu por esti ciclu y sumir a la nueva unidá pa neños y neñes de 2 y 3 años inaugurada en septiembre na escuelina d’El Quirinal”.

Pa la puesta en marcha d’esta nueva unidá foi necesaria una inversión del Conceyu de 90.000 euros, y cola so inauguración nun queda nengún neñu nin nenguna neña en llista d’espera per falta de places nel tramu d’edá más demandáu poles families.

El Conceyu formalizó un alcuerdu cola compañía Telefónica y la plataforma Infantium -por importe de 14.600 euros-, qu’afai los conteníos educativos dixitales a les capacidaes de cada neñu y al so estilu d’aprendizaxe. Los educadores recibieron la formación necesaria pal manexu de les tabletas y de la plataforma educativa.