Portada Uncategorized Milio Ureta faise col Teodoro Cuesta de poesía

Milio Ureta faise col Teodoro Cuesta de poesía

by redacción asturnews
XXVIII Premiu Teodoro Cuesta de Poesía 2018

Milio Ureta, col so poemariu Pexe les manes, foi escoyíu ganador del XXX Premiu Teodoro Cuesta de Poesía, unu de los más prestixosos de la lliteratura n’asturianu del que se diere güei a conocer el fallu del xuráu.

D’ente un total de 15 trabayos, el xuráu decidió por unanimidá concede-y el Premiu Teodoro Cuesta a Pexe les manes, obra que na abierta la plica dio en conocese l’autor del poemariu, Milio Ureta, natural de Ribeseya, autor d’obres como Poemes del amor simétricu, y traductor al asturianu de la obra de Walt Whitman Cantar de mi mesmu.

El xuráu tuvo formáu por Xuan Bello Fernández, Xabiero Cayarga, Esther Prieto Alonso, Pablo Rodríguez Medina y Daniel Blanco, con Ana Belén Alonso Losa, conceyala de Normalización Llingüística del Conceyu de Mieres como presidenta y Ismael González Arias como secretariu –estos dos últimos ensin voz nin votu–. La xunta fízose vía telemática. El Teodoro Cuesta de Poesía tien nel so palmarés a autores destacaos de les lletres asturianes como’l propiu Milio Ureta, Xabiero Cayarga, Berta Piñán, Vanesa Gutiérrez o Xuan Bello.

Tamién te podria gustar