Más de 300 neños y neñes d’Uviéu celebren el Día Mundial del Xuegu na cai

La conceyala de Polítiques Sociales, Leticia González, participó esta selmana pasada nos actos entamaos pola so conceyalía con motivu del Día Mundial del Xuegu na cai.

Acompañada de neños, neñes y adolescentes d’Uviéu, l’actividá “Vemos en La Llosa”, desenvolvióse so la premisa de recuperar actividaes infantiles y ufiertar al traviés d’actividaes lúdiques la clara reconocencia que se merez tola población infantil de la nuesa ciudá qu’amosó y continua amosando un compromisu de civismu asumiendo dende’l minutu la obligatoriedá del usu de mázcaru mientres la pandemia y mandando mensaxes de sofitu y optimismu colos sos dibuxos dende caúna de les sos ventanes”, sorrayó la edil.

La xornada incluyó una gymkana  na que participaron 30 asociaciones collaboradores del PIOVI (Plan d’Infancia d’Uviéu) na que participaron 314 neños y neñes de tolos niveles educativos d’infantil hasta sestu de primaria, acompañaos de 41 docentes de los centros educativos de Olloniego Narciso Sánchez, Villafría d’Oteru, Jaime Borrás, Nazaret, Villar de Trubia, San Pedro de los Arcos y Latores.