Portada Conceyos Más de 300 mozos participen na XXIV Xornada Municipio y Adicciones

Más de 300 mozos participen na XXIV Xornada Municipio y Adicciones

by redacción asturnews

La conceyala de Mocedá, Cuadonga Díaz, foi la encargada de presentar la primera de les ponencies de les XXIV Jornada Municipio y Adicciones, “La prevención ambiental: buscando un ambiente urbano llibre de llamaes al consumu d’alcohol”, al cargu de Francisco Caamaño Isorna, de la Sociedá Española d’Epidemioloxía. “Más de 300 mozos de toa Asturies y de fora d’esta comunidá –les charres pueden siguise por streaming- participen nes xornaes nes que, fundamentalmente, va encetase’l consumu d’alcohol, tabacu o’l xuegu.

Dende’l Conceyu llevamos enforma años trabayando en materia de prevención en consumu de drogues y detectemos medríes significatives mientres y dempués de la pandemia, por casu de sicofármacos”, indicó la conceyala de Mocedá.

“Los mozos güei tienen muncha información sobro drogues y sobro alcohol pero siguen consumiendo. Tratar de modificar la redolada, creo que ye la estratexa más potente porque la información nun ye abonda, l’ambiente pesa muncho más que los datos”, sorrayó Caamaño Isorna.

La concejala de Polítiques sociales, Concepción Méndez, tamién participó na inauguración oficial de les Xornaes.

Tamién te podria gustar