Portada Conceyos Más de 30 mozos y moces entamen so primer esperiencia profesional en Xixón

Más de 30 mozos y moces entamen so primer esperiencia profesional en Xixón

by redacción asturnews

Más de 30 mozos y moces entamen so primer esperiencia profesional en Xixón. Les persones escoyíes nel Plan Primera Esperiencia Profesional incorporáronse a diversos servicios municipales del Conceyu de Xixón con un contratu en práctiques de 1 añu de duración.

Col programa Primera Esperiencia Profesional 2020-2021, convocatoria 2019, estes 33 persones van poder aportar a una esperiencia profesional acorde colos sos perfiles profesionales, qu’inclúin titulaciones técniques cimeres y graos tan variaos como son el Periodismu, Maxisteriu n’Educación Primaria, Inxeniería informática, Comerciu y Marketing, Informática, Proyectos d’obra civil, Proyectos d’edificación, Alministración y finances, Prevención de riesgos profesionales, Promoción igualdá de xéneru, Animación actividad físiques y deportives, Animación sociocultural y turística, Educación infantil ya Integración social.

El grupu del Conceyu apurre formación n’esperiencia profesional amplia y variada nos sos posibles destinos: rede municipal d’Escueles Infantiles, Servicios d’Obres Públiques y Urbanismu, Atención a la Ciudadanía, Prevención, Comunicación y nuevos proyectos, Arquitectura, Ingresos, Sofitu a distritos, Mediu ambiente, Sistemes, Planificación y modernización, Movilidá y Llicencies y disciplina; Dirección Xeneral d’Igualdá, Axencia Local de Promoción Económica y Empléu, Escuela de Segunda Oportunidá, Xardín Botánicu Atlánticu, Fundación Municipal de Servicios Sociales, Patronatu Deportivu Municipal y Empresa Municipal de la Vivienda, ente otros. En septiembre, van incorporase 7 persones más a les Escueles Infantiles.

El Programa de primera Esperiencia Profesional del Conceyu de Xixón apurre tamién esperiencia llaboral a persones menores de 30 años en situación de desemplegu, inscrites nel Sistema Nacional de Garantía Xuvenil y que tean en posesión d’una titulación universitaria o de Formación Profesional de grau Mediu o Superior, o provistes y un certificáu de profesionalidá qu’habilite pal exerciciu profesional. Amás, tienen d’axuntar los requisitos pa formalizar un contratu en práctiques, esto ye, que nun trescurrieren cinco años, o siete cuando’l contratu se concierte con una persona con discapacidá, dende la finalización de los correspondientes estudios o dende la convalidación del títulu n’España.

Tamién te podria gustar