Los telecentros d’Avilés celebren el so décimu aniversariu con actividaes sobro vida dixital

Ente’l 19 y el 23 de marzu nes sedes de los dos telecentros de la ciudá, los telecentros d’Avilés tan celebrando’l so décimu aniversariu desque’l Conceyu d’Avilés asumió la so xestión con unes xornaes sobro vida dixitalcon actividaes sobro vida dixital.

A lo llargo de tola selmana van impartise charres sobro privacidá en redes sociales, mediación parental, prevención del ciberacosu, reclamaciones tres la compra de productos n’Internet y usu escesivu de les TIC. La inscripción puede realizase online faciendo clic nesti enllaz, aportando al perfil de Facebook y tamién de forma presencial o telefónica en cualesquier de los dos Telecentros. Los Telecentros d’Avilés celebren el décimu aniversariu desque’l Conceyu d’Avilés asumió la so xestión con unes xornaes sobro vida dixital. Ente’l 19 y el 23 de marzu dellos profesionales con esperiencia en distintos ámbitos van impartir xuna serie de charres empobinaes a ameyorar la vida dixital de les persones asistentes.

Les conferencies van tener llugar nes sedes de los dos Telecentros, n’horarios de mañana y tarde. Los telecentros son dos sales dotaes d’equipamientu informáticu nes que s’imparte formación rellacionada coles TIC y combínase col usu llibre d’ordenadores ya Internet, asesoráu por personal técnico.

Les persones interesaes n’asistir a les distintes actividaes, van poder realizar la inscripción online al traviés esti enllaz, solicitando l’accesu al formulariu nel corréu cdtlayto-aviles.es, aportando al perfil de Facebook y tamién de forma presencial o telefónica en cualesquier de los dos Telecentros:

Telecentro Avilés I. Calle Marcos del Torniello 34. T 985 12 90 30

Telecentro Avilés II. Centru Emplego Europa – Avenida Uviéu 9 T 985 12 98 04

Más información