Los filmes Ultranova y Crazy despierten l’interés del públicu y la crítica nel palmarés del Festival de Xixón

El palmarés de la 43 edición del Festival Internacional de Cine de Xixón apaez encabezáu pol premiu al meyor llargometraxe pa la produción belga ‘Ultranova’ del director Bouli Lanners. El canadiense Jean-Marc Vallée por ‘Crazy’algamó la reconocencia como meyor realizador y el so filme tamién fue merecedor del premiu del xuráu mozu al meyor llargometraxe.

Nos premios empobinaos a la creación cinematográfica d’autores asturianos, resalta el premiu concedíu ex aequo a los Hermanos Rico por “Ricardo: Piezas Descatalogadas” y a Roxana Popelka y Konchi Rodríguez por “El aparcamiento”. Nel capítulu de nuevos realizadores el primer premiu fue pa “Malas Influencias” d’Iñaki Ibisate y el segundu pa “Longaniza con Patatas” presentáu por Xuan Acosta.