Los conceyos de Grau ya Candamu yá presentan las sous páxinas web n’asturianu

Los conceyos de Grau ya Candamu van tener a partir d’agora la sous páxinas webs municipales n’asturianu [OCC], amás de la versión en castellanu ya inglés. Esti foi un trabayu del Serviciu de Normalización Llingüística en conxuntu colos técnicos de los dos conceyos en materia de nuevas tecnoloxías.

La mayoría de páxinas web de los conceyos asturianos yá tán actualizadas en dellas llinguas ya Grau ya Candamu yá presentaban dellos conteníos n’asturianu, pero a partir d’agora, cola nueva versión, tola estructura html ta n’asturianu ya tolos conteníos invariables a mediu ya llargu plazu tán traducíos. L’oxetivu yá que’l Serviciu de Normalización s’encargue de recibir testos por parte de los diferentes sectores de los conceyos pa garantizar una versión n’asturianu virtual de tolo que sea posible.

Esta midida ta relacionada cola traducción de los papeles públicos que los conceyos faen llegar a la xente de manera directa, como pueden ser los modelos de socilitudes oficiales ou l’aceptación de documentación n’asturianu, que colas ordenanzas municipales que s’aprobaron nel plenu de Grau va unos días, desarrollan la idea de non discriminación de naide pola llingua ou cultura cola que se quiera espresar.