El STEM Talent Girl llega a Asturies

El CTIC Centru Tecnolóxicu va coordinar n’Asturies la primer edición del proyectu STEM Talent Girl entamáu pola Fundación Asti y que cunta cola collaboración de la Conseyería d’Educación y Cultura, la Conseyería d’Emplegu, Industria y Turismu, al traviés de la Dirección Xeneral d’Innovación y Emprendimiento del Principáu d’Asturies, de FADE, FEMETAL y la tecnolóxica asturiana Seresco.

Delles empreses y entidaes asturianes yá amosaron el so compromisu cola iniciativa patrocinando la mesma. ValNalón, Izertis, Conceyu d’Uviéu, DXC, ThyssenKrupp Elevator Innovation Center (tkEIC) y Fundación 16de24 yá confirmaron el so sofitu económicu al programa.

De cara al cursu 2018-2019, n’Asturies va ponese en marcha’l programa Science for Her dirixíu a alumnes de 3º y 4º de Secundaria de centros públicos y alcordaos. El programa va cuntar con ocho masterclass impartíes por muyeres de prestíu nacional ya internacional nes árees STEM cola fin d’averar la ciencia y la tecnoloxía al públicu femenín. Estes conferencies van tar abiertes a tol públicu polo xeneral.

Amás de tener un papel protagonista nes distintes masterclass del programa Science for Her y realizar procesos de talent search o identificación de talentu, les alumnes van participar en sesiones d’orientación profesional nes que van poder conocer en primer persona distintes oficios STEM acompañaes por mentoras. Coles mesmes, van participar en talleres sobro tecnoloxía y n’eventos nacionales de primer nivel nel campu del empoderamiento de la próxima xeneración de muyeres líderes en ciencia y tecnoloxía.

Les alumnes y les sos families pueden realizar la inscripción on-line na dirección www.talent-girl.com/science-for-her. El plazu d’inscripción pa les alumnes de 3º y 4º de Secundaria ta abiertu hasta’l día 5 de payares.