Les plantes van ser protagonistes de la Selmana de la Ciencia nel Botánicu

El Conceyu de Xixón celebra la Selmana de la Ciencia del Xardín Botánicu Atlánticu del 9 al 14 de payares. Sol títulu ‘La salú de les plantes, ye la to salú’, va tar dedicada a la Sanidá Vexetal.

El conceyal de Mediu Ambiente, Aurelio Martín, presentó esta selmana pasada’l programa d’actividaes gratuites pa escolares, adultos, infantiles y familiares y xornaes de puertes abiertes que se van entamar nesti equipamientu municipal.

PROGRAMA D’ACTIVIDAES DE LA SELMANA DE LA CIENCIA

L’oxetu d’esti programa, tal que señaló Martín, ye concenciar sobro la importancia de la protección de les plantes como un elementu estratéxicu y sopelexar la importancia de la protección de la salú de les plantes para erradicar la fame y la probeza, protexer el mediu ambiente, y protexer la salú y el bienestar humanu. Amás, van esquizase y van poner en práctica pequenes acciones cotidianes pa protexer la salú vexetal.