L’ALLA va celebrar en xineru una nueva prueba de conocencia de llingua asturiana

L’Academia de la Llingua Asturiana tien abiertu’l plazu pa presentase a la primer convocatoria de 2010 pa esta prueba cola que s’algama la certificación de conocencia básica de llingua asturiana. La convocatoria va tener llugar el 30 de xineru n’Uviéu y la matrícula pue facese del día 18 al 28 de xineru.

Les estayes de les que s’esamina son: -La estaya llingúistica, na que se verán la gramática y el dominio oral y escritu y -La estaya de llingua y sociedá na se verá la conocencia del allugamientu de la llingua dientro la sociedá. La prueba inclúi parte escrita y prueba oral. P’apuntase hai que llamar a l’ALLA, al teléfonu 985 211 837.