Portada Educación L’ALLA acueye la final de la Olimpiada escolar de redaición

L’ALLA acueye la final de la Olimpiada escolar de redaición

by redacción asturnews
Academia de la Llingua Asturiana

Esti miércoles, 21 d’avientu, a les diez y media de la mañana, l’Academia de la Llingua Asturiana va acoyer la final de la Olimpiada escolar de redaición y la entrega de premios del Certame d’investigación.

Nel Concursu de Primaria, les y los finalistes son:

  • CP Martimporra (Martimporra, Bimenes): Fabián Montes Escobar, Gadea Iglesias Coto, Valeria Riestra Valdés y Adrián González Pidal.
  • CP San Claudio (San Cloyo, Uviéu): Daniela González Villota y Diego Menéndez Fernández.

Nel Concursu de Secundaria y Bachilleratu:

  • IES Santa Bárbara (La Felguera, Llangréu): Xulia Antuña Ezama, Lucía Doce Ruiz, Alberto Antuña Ezana y Vidal Quidiello Menéndez.
  • IES Peñamayor (Nava): Naira Suárez Sánchez y Favila Velasco Benavides.
  • IES Pravia (Pravia): Nerea Menéndez Martínez y Carla Bote Solar.
  • CPEB Cabañaquinta (Cabanaquinta, Ayer): Álvaro Ordóñez Ordóñez.

Darréu de la final, concursantes y profesoráu van participar en dos actividaes didáutiques y d’animación, una pa cada coleutivu. En conociéndose les redaiciones ganadores, alredor de les doce y media, ta previsto qu’emprime l’actu d’entrega de premios, pal que tamién tán convocaes les persones con obres premiaes nel Certame d’investigación:

  •  Concursu de recoyida de material toponímico oral. Dos accésits pa los trabayos Toponimia de la parroquia de Peñaflor (Grau), de Xabiel Fernández García, y Toponimia menor de la parroquia de Caldueñu (Llanes), de Lena Valladares Llavona.
  • Concursu de propuestes de terminoloxía especializada. Un accésit pa TermAst: Videoxuegos, de Víctor Suárez Piñero.
  • Concursu «Xosé Bolado» de recoyida de material lliterario inédito anterior a 1970. Un primer premiu pa Nel corazu de casina (1932-1934) de Fernán Coronas, d’Adrián Martínez Expósito.
  • Concursu de recoyida, trescripción y estudiu de testos orales. Un primer premiu y un premiu especial p’Averamientu a la caracterización del asturianu de La Güeria Carrocera (Samartín del Rei Aurelio), de Claudia Elena Menéndez Fernández.
  • Concursu de documentalismu sociocultural curtiu. Un primer premiu pa Indianos d’azucre, de Pablo Cueto Parcero.

Tamién te podria gustar