L’alcuentru “Conectando con… la ciencia y la tecnoloxía” axunta a entamadores n’Avilés

Los alcuentros de networking CERN “Conectando con…” tán desenvolviéndose nel marcu del proyectu Avilés CERN Entamador, cofinanciáu pol FSE, al traviés de la fundación Incyde.

Tratase de seis  talleres onde entamadores de relevancia van cuntar la so esperiencia a la de poner en marcha’l so proyectu empresarial. Cada unu de los talleres va tener una duración de 3 hores.

Nel actu de güei xueves van participar Fernando Casielles, CEO de Joinsp  y Soccer Math que va falar de BigData y la so aplicación al mundu del analís deportivu. Mariel Díaz, fundadora de Triditive, que va charrar sobre’l mundu de la fabricación aditiva y, a lo último, José Sánchez de Naturapps, va rellatar la esperiencia d’esta empresa desarrolladora d’una aplicación que nos dexa planiar rutes per Asturies.

Fernando Casielles, CEO y Sociu Fundador de JoinSp y SoccerMath.

Máster en Dirección d’Empreses pola Universidá de Deusto. Posgráu de Dirección d’Organizaciones Non Codaloses pola Universidá Ramón Llull. Trabayó como intra-entamador y directivu en distintes entidaes del tercer sector como Cáritas Española, empreses como MCC y alministraciones públiques, como’l Gobiernu del Principáu.

Mariel Díaz Castro, directora y fundadora de TRIDITIVE

Inxeniera Industrial ya Inxeniera Mecánica Esperta en Fabricación Aditiva (Impresión 3D). Profesora del Máster n’Impresión 3D de la Universidá d’Uviéu. Impulsando’l Movimientu Maker y el emprendimiento en nueves tecnoloxíes.

José Sánchez, CEO de Naturapps

Biólogu con 15 años d’esperiencia en consultoría medioambiental y sistemes d’información xeográfica . CEO de Naturapps, guía de senderismo en móvil. Meyor App de turismu activu 2014. Finalista del World Summit Award Mobile Content 2015.

Los oxetivos del eventu son:

Motivación entamadora. Persones entamadores consolidaes en diversos sectores van animar a los participantes del proyectu a valorar el emprendimiento como una salida llaboral más.
Introducción a la temática de la formación. van encetase temes básiques que, darréu, van ser trataos nos itinerarios d’insertamientu per cuenta propia colos que cunta’l proyectu: ellaboración de planes de negociu, enfoque al veceru, busca de financiamientu, etc.
Aumentar rede de contactos. Axuntar a los participantes del programa, mozos menores de treinta año, con entamadores/as y empresarios  nun foru pa compartir esperiencies.

Tratase d’un  taller p’ameyorar la predisposición escontra l’autoemplegu, cola participación d’entamadores activistes que van compartir la esperiencia vivida na puesta en marcha del so proyectu empresarial.