L’alcaldesa destaca’l valor del Parque Tecnolóxicu d’Avilés como ferramienta

Nuna xornada xuntu colos espacios científicu-tecnolóxicos de la Universidá Carlos III, Tenerife, Sant Cugat del Samartín de Vallés y Guipuzcoa, l’alcaldesa destacó’l valor del Parque Tecnolóxicu d’Avilés como ferramienta. El parque avilesín ta formáu por 44 empreses y 3 centros d’investigación que suman barganal de 900 trabayadores, de los que más de 300 son científicos y tecnólogicos.

L’alcaldesa d’Avilés, Mariví Monteserín, defendió esti día en Madrid el valor estratéxicu del Parque Científico y Tecnolóxico (PCT) Avilés Isla de la Innovación  como una ferramienta pal futuru, un referente na tresferencia d’investigación a les empreses y como espaciu d’espardimientu y divulgación ente mozu de too rellacionar cola ciencia, la investigación y la tecnoloxía.

L’alcaldesa esplicó que “la fórmula ye conocer, investigar, anovar y desenvolver nuevos productos bien pegaos a les nueses industries. Énte una realidá cambiante y disruptiva, n’Avilés defendemos y basamos nel pensamientu científicu pa sentar bases sólides pa lo que pueda venir nel futuru. Porque apostar pola conocencia ye asitiase frente al pensamientu máxicu y ye xuna posición política que ye necesariu dexar claro”. Ye un allugamientu que l’alcaldesa nun llinda al PCT d’Avilés, sinón que que, asegura, “forma parte de la estratexa mesma de la ciudá, trescalada pola conocencia y la ciencia en toles sos dimensiones”.

El PCT d’Avilés ta formáu por 44 empreses y 3 centros d’investigación que xeneren 900 empleos, de los que mas de 300 son tecnólogos ya investigadores de los 3 centros de citaos, dedicaos  a nuevos procesos, nuevos productos y soluciones tecnolóxiques en redol al aceru.

Monteserín intervieno nuna Xornada entamada pola Asociación de Parques Científicos y tecnolóxicos d’España (APTE), xuntu colos responsables d’otros 4 espacios empresariales tecnolóxicos de Tenerife, Sant Cugat del Samartín de Vallés (Barcelona), Universidad Carlos III (Madrid) y Guipuzcoa. El valor y potencial del parque avilesín tamién foi puestu de manifiestu nesta xornada por Daniel Fernández Poulessen, responsable d’Estratexa y Desenvolvimientu de Negociu de la Fundación IDONIAL, na que s’integra’l Centru del Aceru d’Avilés, unu de los  equipamientos d’investigación que formen parte del PCT avilesín.