L’adopción del 5G ta llamada a batir récords

Nes últimes selmanes fuéronse espublizando en tol mundu teoríes conspirativas qu’aseguraben qu’esistía una relación ente la tecnoloxía de conexón inalámbrica 5G y el coronavirus. Más allá d’estes teoríes, y de los desmentíos que s’asocedieron, delles fontes envaloren que’l númberu de suscripciones móviles a redes 5G va raspiar los 2.500 millones en 2025.

Dende la creación de les primeres redes móviles 2G na década de 1990 hasta l’esplegue de la 5G, el desenvolvimientu de nueves tecnoloxíes de tresmisión de datos móviles siguió acelerándose. La tecnoloxía 3G, introducida a principios de la década del 2000, tardó 12 años en llegar a mil millones d’usuarios en tol mundu. En comparanza, la 4G estendióse trés vegaes más rápidu, algamando la marca de mil millones d’usuarios cuatro años dempués de la so introducción en 2010.

Según les estimaciones publicaes nel nuevu informe de Statista sobro les tecnoloxíes móviles, l’adopción del 5G podría ser entá más rápida. Espérase que la 5G algame los mil millones d’usuarios en 3,5 años. El rápidu espardimientu d’esta tecnoloxía deber al so costu relativamente algamadizu, a la so facilidá d’esplegue (usu de la rede básica 4G) y a les sos numberoses aplicaciones: oxetos conectaos, intelixencia artificial, vehículos autónomos, etc.

Fuente: https://es.statista.com