La Universidá entama un cursu alredor del trabayu de campu en Dialectoloxía, Toponimia y Cultura Popular

El Cursu, que se va celebrar a lo llargo d’ochobre, payares y avientu, ta dirixíu pol profesor Fernando Álvarez-Balbuena García, del Seminariu de Filoloxía Asturiana de la Universidá d’Uviéu. El plazu de matrícula ta abiertu del 10 al 30 de setiembre a un preciu d’unos 187 euros, incluyendo la parte teórica y les práctiques, que van desenrrollase n’Ibias en dos fines de selmana.

Les materies y profesores son los que van darréu:

Pautes de deturpación de la toponimia tradicional: Fernando Álvarez-Balbuena [2 hores] Metodoloxía de la investigación n’historia oral: Irene Díaz [2 hores] Técniques d’investigación en sociollingüística: Ramón d’Andrés Díaz [2 hores] Metodoloxía de la investigación toponímica: Fernando Álvarez-Balbuena [2 hores] Toponimia y historia: Xulio Viejo Fernández [2 hores] Nociones básiques de dialectoloxía asturllionesa: Fernando Álvarez-Balbuena, María Cueto Fernández [4 hores] Metodoloxía de la encuesta etnográfica: Adolfo García Martínez [2 hores] Modelos de poblamientu n’Asturies: Felipe Fernández [2 hores] Espaciu rural y tradicional n’Asturies: María Antonia Pedregal [2 hores] La historia del paisaxe: Andrea Miranda Duque [2 hores] Pervivencia de la cultura tradicional na actualidá: Xosé Antón Fernández “Ambás”, Adolfo García Martínez [4 hores] Metodoloxía de la encuesta de campu: Llinu Álvarez Santidrián, Xuan Busto Cortina, Xosé Antón Fernández “Ambás”, Alva Rodríguez Fernández, Ramón Sordo Sotres [10 hores] Panorama históricu de los trabayos llingüísticos de campu n’Asturies y Llión: Fernando Álvarez-Balbuena [2 hores] El diseñu de la investigación llingüística de campu: obxectivos, preparación del cuestionariu y tratamientu de los datos: María Cueto Fernández [2 hores]
Información académica n’Uniovi.es