La TIA d’esti branu n’Avilés casi dobló les inscripciones de 2020

Los Talleres Infantiles d’Avilés (TIA) d’esti branu tuvieron una presencia de neños y neñes que casi dobló la del añu pasáu, algamando les 489 matrícules, algamando l’amuesa de la meyora na evolución de la pandemia cola consiguiente repercusión nel enfotu y tranquilidá de padres y madres.

Tantu l’añu pasáu como esti branu cumpliéronse les correspondientes midíes de seguridá y protocolos sanitarios establecíos, pero la baxada de les andaes fai que les families tengan menos reparos n’inscribir a los sos pequeños. Asina, frente a un total de 286 inscripciones nel branu de 2020, esti branu fueron 489.

Por cuenta de la finalización de la TIA, la conceyala d’Educación, Nuria Delmiro, realizó una visita a los dos Centros Educativos onde se desenvolvieron los talleres esti branu. A les 12:00 hores visitó’l CEIP Versalles y darréu el CEIP Enrique Alonso, acompañada de el directores de los centros Manuel Fernández y Ramón  Estébanez, respectivamente.

Per otru llau, les actividaes ufiertaes fueron de lo más variaes, programando actividaes selmanales en redol a una temática d’interés como “Bienvenids a bordu, pirates”, “Los dinosaurios”, “El mundu Disney”, “Curiamos el planeta”, “Arte y música”, “El deporte”, etc. La empresa responsable d’esta actividá a lo llargo de too el branu foi Arteaula.

Los talleres infantiles arrincaron el pasáu 25 de xunu distribuyíos en 10 veces y fueron un preséu bien pervalible para conciliar la vida llaboral y familiar de los llares avilesinos, yá que enllenaron d’actividaes para pecar tol branu de llunes a vienres.

Más información