La SGAE ta espulsada temporalmente de la organización mundial de derechos d’autor

La organización qu’axunta a les sociedaes d’autor de tol mundu espulsó esti xueves temporalmente a la Sociedá Xeneral d’Autores y Editores d’España (SGAE), anque destacó les “meyores positives” de la nueva dirección de la entidá española p’aplicar les reformes riquíes.

La decisión, adoptada en Tokio pola Asamblea Xeneral de la Confederación Internacional de Sociedaes d’Autores y Compositores (CISAC), ye resultáu del procesu sancionador abiertu n’avientu pasáu contra la SGAE poles sos práctica de conducta y xestión. La CISAC lleva más d’un añu cola tema, arriendes de, como recordó esti xueves, “denuncies interpuestes y que son motivu de gran esmolición”, incluyendo “el tratu discriminatoriu de titulares de derechos y l’aplicación de procedimientos de repartida de manera non equitativa”.

Como parte d’esa revisión, la CISAC retirara en marzu de 2018 a la SGAE del conseyu directivu de la organización, de forma preventiva, pa evitar un potencial conflictu d’intereses mientres les investigaciones. Dellos meses dempués, el 4 d’avientu, el conseyu directivu de la CISAC dio un nuevu pasu y empecipió un procedimientu sancionador” que podría desaguar na espulsión de la SGAE de la organización, pasu dáu güei y que va tar vixente per un añu.

Les quexes contra la SGAE refiérense al supuestu favoritismu escontra dalgunos los sos miembros y el fraude nel cobru de derechos d’autor de pieces musicales emitíes en televisión, una práctica que llegó a conocese n’España como “la rueda”. Esti procesu coincidió tamién coles pesquises realizaes pola Audiencia Nacional y la posibilidá de que la institución sía intervenida pol Ministeriu de Cultura d’España.

La decisión d’espulsar temporalmente a la entidá española “va poder afaese o llevantase en cualquier momentu”, siempres que la dirección de la CISAC “considere que se llogróa progresu abondo por aplicar los requerimientos fechos. La SGAE, yá cola nueva dirección al frente, aprobó’l 8 de mayu unos nuevos estatutos, que respondíen a les esixencies impuestes pola nuevu Llei de Propiedá Llegal, pero que quedaron pindios de ratificar na Asamblea Xeneral de la SGAE del 24 de xunu. La CISAC, al dar a conocer la so decisión, celebró les meyores positives llevaos a cabu apocayá para ameyorar la situación”.