Portada Lliteratura La revista Lliteratu dedica’l so númberu 3 a los autores mozos en llingua asturiana

La revista Lliteratu dedica’l so númberu 3 a los autores mozos en llingua asturiana

by asturnet

La revista dixital Lliteratu acaba de colgar na rede el so tercer númberu dedicáu a los autores mozos na nuestra llingua. La nueva entrega ufierta entrevistes con Pablo Texón, Chechu García y Elías Veiga, xunta reseñes, esbilla de poemes y noticies relacionaes cola actualidá lliteraria asturiana.

El númberu 3 de Lliteratu amuesa testos inéditos d’Héctor Blanco, Henrique G. Facuriella, Juan Carlos Crespo Lanchas, amás de Pablo Texón Castañón. La publicación dixital ufierta tamién reseñes de la novela de Xandru Fernández “Les ruines”(Trabe, 2004) y de l’antoloxía “Trece por docena”(El Caballo de Troya, 2005) de Constantino Bértolo, asina como les sos avezaes secciones d’esbilla de poemes unviaos polos llectores, remembranza d’autores clásicos y noticies.

La prósima entrega de la revista va ser un especial dedicáu a los premios lliterarios n’Asturies con publicación de testos inéditos de los últimos ganadores del Teodoro Cuesta: Pablo Rodríguez Alonso, el Xosefa Xovellanos: Ismael González Arias y del Xuan María Acebal: Xabiero Cayarga.

Lliteratu

Tamién te podria gustar