La Rede municipal de Biblioteques d’Uviéu celebra’l mes del llibru con decenes d’actividaes

La Rede municipal de Biblioteques d’Uviéu celebra abril, el mes del llibru, con decenes d’actividaes. L’oxetivu del Conceyu ye potenciar y fomentar la llectura na ciudá, buscando actividaes curioses y tamién otres nes que quier resaltase el papel de les biblioteques como especialistes en recursos d’información.

La rede de Biblioteques Públiques Municipales d’Uviéu va enfotase na celebración de les festividaes internacionales sobro’l llibru nel enfotu de potenciar y fomentar la llectura na ciudá, buscando actividaes curioses y tamién otres nes que quier resaltase el papel de les biblioteques como especialistes en recursos d’información.

Dende 1967 coincidiendo cola fecha de la nacencia del escritor danés Hans Christian Andersen, el IBBY (International Board on Books for Young People) promueve la celebración del Día Internacional del Llibru Infantil cola fin de promocionar los bonos llibros infantiles y xuveniles y la llectura ente los más nuevos. N’España ye la OEPLI (Organización española pal Llibru Infantil y Xuvenil) la que s’encarga d’espublizar y entamar actividaes convidando a la participación y adhesión de biblioteques y llibreríes.

La rede de biblioteques públiques municipales xuntóse a esta celebración y va participar amás de cola llectura y promoción del mensaxe d’anguaño, cola ellaboración d’una Guía de Llectura: “naide quierme” (llibros bonos que tán ensin voi mover de los estantes”, una guía que pretende resaltar bonos llibru que por dalguna razón nun salieron en préstamu mientres l’últimu añu y que vamos publicar nel espaciu de les Biblioteques en Issuu. A la guía acompañaranla esposiciones bibliográfiques con estos llibros nes biblioteques mientres tol mes p’animar a los sos usuarios/as que los llean y llevar en préstamu.

Amás na Biblioteca José Mª laso Prieto a les 17 hores va faese un cuentacuentos bien especial, va faese xuna llectura en munchos idiomes del cuentu “Si yo fuera un llibru” col fin de favorecer l’entendimientu y el respetu ente les distintes cultures que viven nel barriu.

A les 18 va llevase a cabu xuna ruta lliteraria familiar, pensada por que neños/as acompañaos del so padre y/o madre recuerden la figura y los cuentos d’Han Christian Andersen al traviés d’elementos qu’hai en nuesa Campu san Francisco, un campu que siempres ye de cuentu tresformar nel mundu imaxinariu que creo l’autor danés.
Va empezar a les 18 nel Paséu del Bombé a la entrada del edificiu de la biblioteca Lorenzo Rodríguez Castellanu (La Granxa) siempres que les condiciones meteorolóxiques nun cierren l’accesu al campu. Si llueve y ta abiertu vamos facer igual. Nun se precisa inscripción.

Pa esta ocasión les biblioteques quieren venceyar de nuevu la lliteratura cola ciudá, con Uviéu, va ellaborase una Guía arrexuntando noveles, relatos onde Uviéu ye l’espaciu novelado, esposiciones y el mesmu día 23 va faese xuna ruta lliteraria recordando la figura d’Armando Palacio Valdés: “De conxustes pol Uviéu de “El Maestrante”. Va Empezar a les 18:30 nel bustu del autor n el Campu san Francisco.

Amás vamos tener les sesiones habituales de bebecuentos y cuentacuentos, presentaciones de llibros, visites escolares y sesiones especiales de llibros especiales en collaboración col secretariáu Xitanu y l’hestoria “Partir de cero”.

Per otru llau va celebrase na ciudá, nel CP San Pedro de los Arcos l’III Alcuentru de Clubes de Llectura Ástur-Cántabru nel que neños y neñes y les sos families pertenecientes a biblioteques públiques municipales de Cantabria y Uviéu van axuntase en redol a la escritora Rosa Güertes de la que tuvieron lleendo llibros dende va meses.

https://www.oepli.org/Dia-Internacional-Llibru-Infantil