‘La pell freda’ trai aventures y horror puro nel Círculu Polar Antárticu

‘La pell freda’, la primer novela del catalán Albert Sánchez Piñol, trai al cine aventures y horror puro nel Círculu Polar Antárticu.

Antropólogu y africanista, el catalán Albert Sánchez Piñol llogró yá enorme reconocencia cola so primer novela de 2002, “La pell freda”, 32 ediciones en llingua catalana con más de 150.000 exemplares vendíos, y traducida a 37 idiomes. L’autor d’otru enorme ésitu como ye “Victus”, enmarcáu na Guerra de Sucesión española, tien una pluma enérxica y un dominiu del tempo narrativu como pocos. Yera cuestión de tiempu que “La pell freda” fuera llevada al cine, daes los sos componentes d’aventures próximes a la dimensión de Julio Verne, Conrad o Stevenson, anque la so conocencia sobro El Congo, país que visitaba cuando empecipiaba la escritura del relatu que nos ocupa, albídrase pesa nos conteníos.

Nun primer proyectu del filme, paez ser que’l director había de ser el británicu David Slade (Hard Candy, Hannibal, 30 díes d’escuridá), pero finalmente resultó una coproducción hispanogala a les ordes del francés Xavier Gens, conocíu nel festival de Sitges por dos de los sos filmes (Fontera(s), y The Estrema), y quiciabes más célebre por Hitman, y más apocayá por The Cricifixion; un realizador pos, que se mueve en redol al terror y a determinada órbita sci-fi. El guión ye de Jesús Llamera (28 selmanes dempués), y de Eron Sheean (The Estrema y Erros of the Human Body).