La OSPA ufre en Llaranes conciertos pa celebrar el patrimoniu industrial

La Orquesta Sinfónica del Principáu d’Asturies, OSPA, da empiezu na Plaza Mayor de Llaranes al so ciclu “Nel patrimoniu industrial”, col que celebra la hestoria de la industrialización asturiana. Va ser esti miércoles 11 d’agostu, a les 20 hores.

Un conciertu gratuitu, con aforu llindáu por cuenta de la normativa de protección sanitaria frente al COVID-19, que tuvo una gran demanda de localidaes. Les postreres disponibles pueden retirase na plataforma dixital invitacionesavilescultural.es.

Tratase d’un ciclu de conciertos de cámara, en llugares fundamentales pa entender el desenvolvimientu d’Asturies y la so industria, col que la orquesta refuerza la unión cultural ente la música y el patrimoniu industrial, del que’l barriu de Llaranes, nacíu p’agospiar a el trabayadores de Ensidesa, ye unu de los exemplos más significativos n’España.

El recital va ser ufiertáu pol grupu de vientu y percusión de la OSPA, integráu por Juan Ferriol y Juan P. Romero, oboe; Andreas Weisgerber y Daniel Sánchez, clarinete; Vicente Mascarell y John Falcone, fagó; José Luis Morató y David Rosado, trompa; Francisco Mestre, contrabaxu, y los percusionistas Rafael Casanova y Francisco Revert.

Van Interpretase’l siguiente programa:

Serenata pa vientos en do menor K 388, de Mozart.
Romeo y Julieta (arr. Tarkman), de Prokofiev.
Scenes from Porgy & Bess, de Gershwin.