La obra ‘Dados’ de Ventrículu Rápidu represéntase telemáticamente esti domingu dende #AulasAEscenaEnCasa

La obra ‘Dados’ de Ventrículu Rápidu va represéntase telemáticamente esti domingu dende #AulasAEscenaEnCasa, faciendo alcordanza de la tarde na que foi representada’l 8 de mayu de 2019 nel Teatru Palacio Valdés, dientro del ciclu “Aules a Escena”.

Empobinada prioritariamente a alumnáu de 3º y 4º de la ESO, y de 1º y 2º de Bachilleratu, trata la diversidá sexual dende’l puntu de vista d’un adolescente transexual. Podrá vese esti domingu 26, de 9 a 22 hores, nos perfiles en YouTube, Facebook y Instagram del Teatru Palacio Valdés

La obra de teatru Dados, de la compañía Ventrículu Rápidu, vuelve esti domingu a Avilés tres la so representación el 8 de mayu de 2019, nel Teatru Palacio Valdés, nel marcu de la última edición del ciclu “Aules a Escena”. Nesta ocasión facer al traviés de les redes sociales para empecipiar el ciclu #AulasAEscenaEnCasa .

La obra, escrita y empobinada por José Padilla foi premiada col MAX 2019 al Meyor Espectáculu Xuvenil, y trata la diversidá sexual dende’l puntu de vista d’un adolescente transexual. Ta empobinada prioritariamente a alumnáu de 3º y 4º cursu d’Educación Secundaria Obligatoria, lo mesmo que de 1º y 2º de Bachilleratu, anque pol interés de la tema encetada ye recomendable para tolos públicos.

El programa educativu “Aules a Escena”, y nesti casu la so versión dixital #AulasAEscenaEnCasa , aúna valores pedagóxicos y culturales que sirven de complementu a les programaciones educatives de los colexos ya institutos de la ciudá. Coles mesmes, avera’l teatru al públicu escolar, con obres afeches a los sos gustos ya intereses.

Dados va podese visionar de manera gratuita esti domingu 26 d’abril, ente les 9 y les 22 hores, al traviés de los perfiles del Teatru Palacio Valdés en YouTube (youtube.com/channel/UCwda_vI41F752LzDNzR7zyA) Facebook (facebook.com/TeatroPalacioValdes) e Instagram (instagram.com/teatropvaldes).

Llueu van anunciase más obres que van dar forma al ciclu #AulasAEscenaEnCasa .