La matrícula en FP termina esta selmana amosando’l modelu munchos defectos

La matrícula en FP termina n’Asturies esta selmana y amuesa los grandes defectos del modelu de llogru de plaza nel sistema públicu, yá que dos meses dempués d’empecipiar el cursu siguen llamando a xente por que se incorpore.

Alredor de 1.500 asturianos quedáronse fora de matrícula nos seis centros integraos de Formación Profesional (CIFP) que funcionen n’Asturies. La entruga ye si Asturies col paru estructural que tin pue permitise dexar ensin opcines a tantos mozos y moces un añu enteru.

Nel casu del CIFP d’Hostelería y Turismu la llista d’espera quedó establecida en 456 candidatos. Nel CIFP de la Llaboral, tamién en Xixón, quedaron ensin plaza unos 400 alumnos. Nel CIFP d’Imaxe y Soníu, en Valnalón (Llangréu) estudien esti cursu 258 alumnos, de los que 135 empecipien primeru. Casi 150 alumnos quedáronse ensin plaza, anque’l centru podría absorber munchos más alumnos con más medios humanos y más horariu (namá tien clase pela mañana).Nel CIFP de Cerdeño, n’Uviéu, con 1.200 alumnos nes aules, entá se sigue llamando a candidatos y la gran llista d’espera centrar na modalidá a distancia, con unes 300 persones.

Lo mesmo asocede, en cuestión de matrícula, col CIFP d’Avilés, el mayor d’Asturies, con casi 1.500 alumnos (12 ciclos de grau mediu y 15 de grau cimeru, una barbaridá).