“La luz del fin del mundo”, sobre una obra de Verne, ye’l nuevu pase del ciclu d’aventures de la Filmoteca

Continua el ciclu que la Filmoteca d’Asturies ta dedicando a facer un repás del xeneru d’aventures cola proyección de “La luz del fin del mundo”, esti llunes 25 de febreru a les 20:30 hores nel Teatru Filarmónica de la capital asturiana. “La luz del fin del mundo” ta dirixida por Kevin Billington, que construyó’l relatu a partir d’una adautación de la novela “El faro del fin del mundo” de Julio Verne. Nel repartu rescampla la interpretación de Kirk Douglas, bien secundáu por Yul Brynner.