La Esposición virtual ‘Xixón y el jazz, una relación centenaria’ abre na Villa Xovellanos

Dientro del ampliu abanicu de les denominaes músiques populares urbanes, el jazz ye ensin dulda unu de los xéneros más emblemáticos y atrayentes y la Esposición virtual ‘Xixón y el jazz, una relación centenaria’ abre na Villa Xovellanos pa poer amosalo.

Na so evolución constante y vertixinoso a lo llargo del sieglu XX, y hasta l’actual mosaicu estilísticu que presenta nel yá avanzáu sieglu XXI, anque a dalgunos cuéste-yos creelo, la ciudá de Xixón foi protagonista y testigu d’ello. Fox-trot, Charlestón, Swing, Boogie, Bebop, Fusión, y un bon númberu d’estilos más, riolaron pela ciudá dende’l yá alloñáu 1919 hasta’l momentu presente. Yá fora nos bailles protagonizaos nes primeres décades del sieglu XX pela Banda Municipal, nes emisiones radiofóniques, nel cine, nos teatros y cafés, o nel más variáu elencu de habitáculos que xuno pueda imaxinar, los habitantes de Xixón pudieron esfrutar nestos postreros cien años d’una bona dosis de jazz interpretada por una estensa ya impresionante nómina de mú    sicos internacionales, nacionales y locales.

Dende los gloriosos años 20, hasta la eclosión del jazz-rock setenteru, en Xixón viviose y consumiose jazz de manera intensa y febril. Ente mediu de dambes décades non solo’l cine y la radio, sinón tamién les sales spectáculos y cafés, programaron jazz con más avezamientu de lo que dalgunos s’imaxinen. Los años sesenta van ser l’afitamientu del consumu de jazz dende una perspectiva más intelectualizada. El restu yá ye hestoria recién y bien conocida por tola afición xixonesa y asturiana: L’entoldáu», «Jazz nel Centru», el Festival de Jazz del Teatru Xovellanos…y un llargu etcétera qu’entá se caltien.

Centru Municipal Integráu Atenéu de La Calzada Cuando:
Del 9 de payares de 2020 al 28 de febreru de 2021 a les 00:00

Más información