La esposición Game On percuerre en Madrid la hestoria del videoxuegu

El videoxuegu ta consideráu como la mayor industria cultural del mundu en términos de facturación, con una cifra global de vientes de 120.000 millones d’euros al añu de los qu’unos 1.600 millones correspuenden a España. Pero los entamos del negociu nun fueron del tou fáciles, como amuesa la gran esposición Game On abierta en Madrid.

La primera d’estes máquines pa usu comercial, unes achiperres llamaes Computer Space y creáu polos estadounidenses Nolan Bushnell y Ted Dabney en 1971, foi “un atayante fracasu comercial” porque “naide entendía cómo funcionaba”. Asina lo reconoció ayer Patrick Moren na so calidá de comisariu de la gran esposición Game On. La hestoria del videoxuegu (1972-2020) , que va tar abierta esti mes d’Avientu al públicu nel gran espaciu de la Fundación Canal de Madrid, barganal de plaza Castiella.

L’amuesa ocupa 2.500 cuadraos partíos en 15 secciones temátiques que, so una lluz nidio y ente los soniquetes característicos d’estes maquinitas, axunten “400 pieces y 150 aparatos jugables ”, según los términos utilizaos pola organización.

L’amuesa foi creada pola compañía británica Barbican nel añu 2002 y dende entós viaxa por tol planeta y vase anovando a media que’l sector incorpora novedaes. Equí, Barbican cuenta cola collaboración de la fundación de la empresa pública d’agües de Madrid. Los sos responsables esperen recibir 200.000 visitantes hasta’l 31 de mayu.

Dempués de la malograda Computer Space el públicu va ver una pantalla del entrañable Pong , el rudimentariu ping-pong con un puntu como pelota y dos rayines como pales. Depués vienen los marcianitos, Mario Bross, el comecocos, Lara Croft, la Nintendo y parientes… Hasta llegar a los simuladores que güei utilicen los pilotos y los dispositivos de realidá virtual pa vivir xuegos en plena inmersión, pasando por toa suerte de xuegos de persecución, carreres, engarradielles, conquistes…

Los organizadores quieren desmentir los estereotipos y clixés que según ellos marcaron inxustamente les informaciones sobro’l mundu los videoxuegos. Ye conocida la fama del sector de fomentar la violencia y el machismu cuando, dixo ayer Patrick Moren, de lo primero “nun hai pruebes científiques” y de lo segundo sábese que güei día’l consumu d’estos aparatos partese al cincuenta per cientu ente homes y muyeres.