Portada Educación La Conseyería ve “una gran oportunidá” nel procesu de Bolonia

La Conseyería ve “una gran oportunidá” nel procesu de Bolonia

by asturnet

El Conseyeru d’Educación d’Asturies, José Luis Iglesias Riopedre, participó ayeri na inauguración de la I Xornada d’Orientación Universitaria “El Espacio Europeo de Educación Superior y la Orientación para la Universidad”, organizada pola Conseyería d’Educación y la Universidá d’Uviéu pa emprestar asesoramientu a futuros estudiantes universitarios sobre los nuevos graos.

Na inauguración del actu, el titular d’Educación señaló que’l procesu de Bolonia “supón una importante oportunidá pa caltener a la Universidá Uviéu nos estándares de calidá qu’amosó a lo llargo de la so historia y p’afitala nun llugar afechiscu nel contestu européu”.

Riopedre indicó tamién que la nueva Prueba d’Accesu a la Universidá (PAU) va esperimentar cambeos de bultu “pa facela coherente col procesu de Bolonia” y destacó que va conceder a los alumnos mayor capacidá pa siguir materies optatives, que va incluyir un exame oral de llingua estranxera y que la segunda prueba val pa conectar a los estudiantes con determinaos graos en función de les sos habilidaes.

Tamién te podria gustar