La canal de Youtube de Mieres triplicó suscriptores dende marzu

Dende’l mes de marzu, el Conceyu de Mieres, al traviés de la área de Cultura, decidió centrar los esfuerzos en caltener ya inclusive reforzar la programación d’actividaes aprovechando la canal de Youtube del Conceyu y llogró que la canal triplicara suscriptores convirtiéndose nel mediu pa caltener y reforzar la programación.

Dende l’entamu del Estáu d’Alarma nel mes de marzu, el Conceyu de Mieres, al traviés de la área de Cultura, decidió centrar los esfuerzos en caltener ya inclusive reforzar la programación d’actividaes aprovechando la canal de Youtube del Conceyu qu’hasta esi momentu tenía 280 suscriptores y que a día de güei raspia los 1000 (en concretu 990). Un cifra, la de suscriptores a la canal Youtube, que se triplicó y qu’asitia al de Mieres como la tercer canal de los Conceyos d’Asturies con más siguidores, convirtiéndose nel mediu que dexó siguir ufiertando una programación plural, variada y calidable tantu de la área de Cultura como d’otres conceyalíes como Memoria Democrática, Deportes, Igualdá, Comerciu o Festexos.

Les visualizaciones algamaron les 80.000 dende xineru hasta’l 18 d’avientu con datos como los del FESTAVIENTU tantu lliterariu como musical, que consiguió grandes cifres, con casi 12.000 espectadores en total. Destaquen equí conciertos como’l d’Alberto&García (6288 visualizaciones) o Morricone Pop Orchestra, con 2347. Tamién los de grupos locales como Folk Taunus & Hotel Iberia con casi 900. Cifres importanes que demuestren el trabayu que se ta faciendo pero que nun son lo fundamental pal Gobiernu local.