L’occidente asturianu yá tien un Muséu del Vinu en Pesoz

Más de 300 persones visitaron yá’l Muséu del Vinu de Pesoz, que lleva abiertu una selmana nesta llocalidá del occidente asturianu. El Muséu abrio al públicu’l 10 d’agostu pasáu cola que l’alcade José Valledor, “confía qu’afite al conceyu como un nucleu turísticu de referencia dientro de la comunidá autónoma”.

El Muséu del Vinu fízose pa recoyer la hestoria de la ellaboración d’esta bebida nel conceyu, que ta catalogada cola indicación xeográfica protexida (IXP) de Cangas del Narcea, anque la tradición vinícola de Pesoz quedó amenorgada col pasu los años a unes poques viñes. Anguaño les autoridaes del conceyu trabayen pa recuperar esta actividá.

L’edificiu compónse de dos plantes. Na primera ta la zona de recepción, la sala d’audiovisuales y la zona d’esposición, onde hai semeyes, paneles y documentos qu’amuesen el procesu d’ellaboración del vinu nel conceyu.