L’Acurrie pola Lingua Cántabra organiza un cursu de “cántabru” en Torrelavega

L’asociaición “Acurrie pola Lingua Cántabra” autonomada “Academia popular de la lengua cántabra” entama en Torrelavega un cursu de “cántabru”, la pa unos variedá del asturianu falada en Cantabria y pa otros castellán con restos del sustratu asturianu, tamién denomada “montañés”.

El cursu lleva organizándose dende va cuatros años los sábados pela mañana, con una duración d’hora y media per día, na sede del Centru Social Ítaca, asitiada na cai Bonifacio del Castillo de Torrelavega.

Nel cursu, dirixíu por Miguel Cobo, hai dos niveles, de perfeccionamientu y básicu, con parte dambos d’espresión oral y escrita. El plan formativu inclúi normes ortográfiques, sociollingüistica aplicada a Cantabria, exercicios escritos, situaciones comunicatives escrites y orales, y averamientu a la lliteratura cántabra. El preciu ye de 10 euros al mes.

Según Antonio Castillo, Patricia Prida y Marco Antonio Gómez, dellos de los organizadores “pue dicise que somos primos-hermanos o tenemos un paralelismu col bable asturianu, la llingua lleonesa o la mirandesa, en Portugal”.