L’Arribada acueye la presentación del Premiu Asturnews de lliteratura infantil y xuvenil

Na sede escoyida esti añu pola Arribada, el Centru Municipal Integráu de L’Arena, va producise güei la presentación, a les cinco y media la tarde, de los llibros espublizaos por La Cruz de Grau, y accésits del Premiu Asturnews de lliteratura infantil y xuvenil, concováu pola empresa editora d’esti diariu. Les narraciones espublizaes son «Unos cuentos de muerte», d’Abel Martínez González; y «Febreru, 29» de Xurde Fernández y Marián García.

Media hora más tarde Sidoro Villa Costales presenta la obra infantil “Mael al debalu”, celebrándose darréu una tertulia sobre la lliteratura xuvenil n’asturianu. Darréu siguen les presentaciones, “El misteriu del neñu esborráu” d’Adolfo Camilo Díaz y “Fontenebrosa II” de Vicente García Oliva, dambes dos espublizaes por Trabe. A les ocho y media, presentación musica d’Inaux, per parte de Güextia, dando fin a les cuarta xornada de l’Arribada 2010.