Javier Marinas presenta la edición castellana del so cómic “Domno” en Lluanco

El debuxante moscón Javier Marinas García presenta, esta tarde na Casa de Cultura de Lluanco (18:30 hores), la segunda edición en castellanu del cómic DOMNO (la historia de Gonzalo Peláez), que editara n’asturianu Trabe. El cómic xira alredor de les las aventures de Gonzalo Peláez y los sus enfrentamientos escontra Alfonso VII nel primer terciu del sieglu XII. Cunta col prólogu del catedráticu de Hestoria Medieval de la Universidá d’Uvieu, Javier Fernández Conde.

Javier Antonio Marinas collabó en revistes como EEl Llapiceru” y “Tapón”. En 1996 espublizó “Ballenas”, un interesante libro de cómic sobre la caza de ballenes nel sieglu XVI. Amás tien algamao dellos premios pol so llabor, ente ellos: el Urriello d’Ilustración del Principáu en 1991 y en 1992 ya’l Universidá Popular de Castuera en Badajoz. Tamien salió premiáu en dellos festivales de carteles como’l del Descensu folklóricu del Nalón en 1996 o el de La Regalina en 2002.

Blog del cómic