Javier Antuña presenta un llibru cola hestoria gráfica del jazz n’Asturies

Javier Antuña Suárez (Sotrondio -El Serrallo- 1968) lleva más de trenta años coleccionando discos d’un ampliu abanicu estilísticu: rock, folk, soul, música electrónica y de jazz; bona parte d’ellos de grupos ya intérpretes asturianos. A la imaxe de los del Jazz ye a los que brinda’l so homenaxe con esti llibru que se presenta esti martes nel Salón d’actos de l’Antigua Escuela de Comerciu de Xixón.

Mientres esti tiempu tamién formó un arquivu personal de cartelos, entraes, programes, o folletos de los numberosos conciertos a los qu’asistió. Ye precisamente la parte correspondiente al jazz de dichu archivo la qu’agora pon a disposición de los llectores al traviés del presente llibru, al traviés d’un refechu catálogu gráficu qu’inclúi entraes, cartelos, folletos, postales, programes o portaes de discos, faciendo referencia a ciclos y festivales, artistes, escenarios y sellos discográficos rellacionaos col jazz n’Asturies.

Martes 5 de payares de 2019, 20 hores – Salón d’actos de l’Antigua Escuela de Comerciu Entama:
Taller de Músicos de Xixón – Fundación Municipal de Cultura, Educación y Universidá Popular del Conceyu de Xixón/Xixón