Portada Uncategorized Iniciativa denuncia l’ausencia del asturianu na información navidiega de Xixón

Iniciativa denuncia l’ausencia del asturianu na información navidiega de Xixón

by redacción asturnews

Iniciativa pol Asturianu denuncia la probe presencia del asturianu na información navidiega de Xixón y reclama una presencia digna de la llingua asturiana nos folletos informativos, depués de comprobar que l’idioma nun ta presente na campaña en redes del Conceyu nin se cumple la toponimia oficial.

Iniciativa pol Asturianu vieno acabante denunciar la probitú de la presencia del idioma nel programa d’actividaes de les fiestes navidiegues del Conceyu de Xixón. El documentu que recueye’l calendariu d’actividaes de la ciudá pa les vinientes selmanes malapenes inclúi información n’asturianu y, na mayoría de los casos, tampoco cumple la toponimia oficial.

Nesi sen, la organización reclama una presencia normal y digna del idioma nos folletos informativos del Conceyu pa estes fiestes nos que l’asturianu nun ta presente na campaña en redes del Conceyu nin se cumple la toponimia oficial.

La organización reclama tamién que nes publicaciones futures asemeyaes a esta, como son les programaciones trimestrales, la programación braniega o de la Selmana Grande l’asturianu y el castellán tean presentes n’igualdá de condiciones, pudiendo sacar el mesmu programa de manera bilingüe. Esti ye un trabayu que visibiliza l’idioma y normaliza y amás enmárcase dientro del Plan de Normalización del Conceyu de Xixón

Tamién te podria gustar