Ida Vitale algama’l Premiu Cervantes 2018

La poeta uruguaya Ida Vitale (Montevideo, 1923) ganó’l Premiu Cervantes de lliteratura, consideráu’l más prestixosu galardón de les lletres en llingua castellana y dotáu con 125.000 euros, esta selmana pasada.

So presidencia de la escritora mallorquina Carme Riera, el xuráu valoró de la poética de Vitale “el so llinguaxe”, como “xuno de los más destacaos y reconocíos de l’actual poesía n’Español”, según la so espresión tresparente y fondo”. Ye una poeta con una trayectoria “de primer orde, convertida dende va tiempu en referente fundamental para toles xeneraciones”.

La elección de Vitale, anunciada pol ministru de Cultura José Guirao, ruempe la norma ensin escribir d’alternanza, añu a añu, ente escritores d’España y de Lationamérica sucesivamente. Na pasada edición ganó’l Cervantes el nicaragüense Sergio Ramírez (2017), y nel 2016 fixérase col premiu’l barcelonés Eduardo Mendoza. Dambos formaron parte del xuráu d’esta edición.

El tribunal tomó la decisión tres un discutiniu llargu”, dixo Riera. “Ida ye xuna poeta estraordinaria con grandes venceyos con España”, añedió. Y cuntó cómo va años llevar a la so clase cuando vieno a Barcelona. “Ye xuna persona cordial y con un sentíu del humor que ye d’estimar”, señaló Riera. Pa Sergio Ramírez, tratar d’una escritora “de dambos mundos”, procedente d’un país que s’estremó como verdadera potencia de muyeres poetes.

El ministru Guirao comunicó la noticia a la premiada, y depués esplicó a los periodistes que s’amosara primero sosprendida y nel intre “estimosa y bien vital”. N’alusión a este y anteriores galardones que llogró recibíu dende esti llau del océanu, Vitale comentó a Guirao ente rises: “El españoles siguen igual de llocos que na dómina de la conquista”.

Ente eses anteriores reconocencies a la poeta suramericana tán los premios Reina Sofía de Poesía Iberoamericana, en 2015 y el Federico García Lorca en 2016. Amás, Vitale fíxose merecedora del Internacional Octavio Paz de Poesía y Ensayu (compartíu con Ramón Xirau), en 2009; del Premiu al Méritu Cultural de la Ciudá de México Carlos Monsivais y del Internacional Alfonso Reyes, dambos en 2014, según del Max Jacobs (París) en 2017; y del de la Feria del Llibru de Guadalaxara, en 2018.