El Xovellanos acueye la Final de la Lliga d’alderique escolar de Xixón

¿Tien de dexase l’usu del móvil nes aules? Esta ye la entruga sobro la que van tener qu’argumentar a favor y en contra los IES Calderón de la Barca, Montevil, Piles y Fregadures. Entrada llibre hasta completar aforu.

El Conceyu de Xixón, al traviés de la Oficina de Mocedá, el Departamentu de Programes Educativos de la FMCE y UP y el Departamentu de Promoción, igualdá y participación social de la FMSS, entama la II Lliga d’Alderique dirixida a alumnáu de 1º de bachilleratu de centros educativos públicos y alcordaos de Xixón. Al traviés d’esta actividá tratase de fomentar nel alumnáu l’aprendizaxe significativu y el desenvolvimientu d’aptitúes como: busca activa d’información ya investigación, contraste d’información y opiniones, oratoria, llinguaxe non verbal, capacidá de síntesis, trabayu n’equipu…

Final de la Lliga d’Alderique

Teatru Xovellanos. Miércoles 15 de mayu, 12:00 – 14:00 h.

Equipos clasificaos:

• III República del IES Montevil
• RCS del IES Fregadures
• Sufraxistes del IES Calderón de la Barca
• 1ºC1del IES Piles

La entruga sobro la que van tener qu’aldericar a favor o en contra ye: ¿Tien de dexase l’usu del móvil nes aules? Los equipos nun saben con antelación que postura-yos tocará defender y, por tanto, han de llevar dambes postures preparaes.

Va haber dos alderica eliminatorios, de los que van salir dos equipos que van participar nel alderique final, determinándose al so términu tanto l’equipu ganador de la Lliga d’Alderique como’l premiu al meyor orador/a.

El Xuráu va tar compuestu por persones rellacionaes col mundu de la comunicación y de la enseñanza que van valorar les intervenciones d’alcuerdu a unos items predeterminados pola organización.