Factoría Norte presenta “The asturian sisters” en La Pola

El grupu teatral Factoría Norte presenta “The asturian sisters” en La Pola, un  espectáculu musical escritu y empobináu por Eladio de Pablo. La cita va ser esti vienres 16 d’avientu, a les 20 hores, nel Teatru Auditoriu de La Pola.

La llegada de la pandemia supunxo, ente otres coses, la suspensión d’actividá nos teatros. Trés actrices esitoses del musical, escarmaes de la precariedá, la inestabilidá y el estrés inherentes a la so vida d’artistes, deciden, énte la nueva situación, alloñar voluntariamente de la escena por una llarga temporada y formar una Comunidá retirada del mundanal ruiu y basada nel esfrute del intre pasaxeru, les bones vibraciones y la paz del espíritu, resumíes nos sos dos principios fundacionales: Kairós y Ataraxia.

Tou diba como xuna seda na Comunidá de The Asturian Sisters cuando, de secute, el so Responsable Internu d’Actividaes, un tal Lleo, dio na llocura de creese Leopoldo Alas Clarín, y languidece día tres día creyéndose injustamente escaecíu pola sociedá. Estimoses polos servicios emprestaos pol so R.I.A. (como Ribesella lo taría pola suya), les nueses actrices deciden entama-y un homenaxe que-y devuelva al so ser (o nun ser) y al enfotu nel xéneru humanu. Pero los homenaxes cargar el diañu. Pasen y vean.

Una comedia onde los sos protagonistes, transitando pol musical, el cabaré y el vodevil, van vivir un xuegu d’engaños y desengaños nun mundu llenu de falses verdaes y verdaderes mentires. De verdá, nun lo pierdan.