“Europa equí” ufierta una plaza de voluntariu en Polonia La Oficina de Movilidá Xuvenil

El programa Internacional d’Avilés, “Europa Equí”, busca a una persona ente 18 y 30 años pa participar nel proyectu de Serviciu Voluntariu Européu “Volunteer to Career”. La organización d’acoyida ye Sempre Frente, una asociación que xestiona diverses guarderíes na ciudá polaca de Lublin.

El proyectu va tener llugar nesta ciudá del sur de Polonia y va empezar n’ochobre de 2017, con una duración de 12 meses. Pa esti proyectu tán buscando a una persona nueva interesada nel trabayu con neñes y neños de 3 a 5 años. Pa ello nun fai falta esperiencia.

Pa participar solo ye necesariu tener ente 17 y 30 años y poder comunicase n’inglés de forma básica. Les actividaes van tar conectaes con trabayos manuales, escursiones, talleres, xuegos… Amás, el voluntariu o voluntaria va poder proponer y llevar a cabu les sos propies actividaes coles neñes y neños.

La persona escoyida va recibir una beca pa gastos de viaxe y una dotación mensual pa comida y gastos de bolsu. El programa Erasmus+ va subvencionar toos estos gastos, amás del seguru d’asistencia en viaxe, formación llingüística y sofitu personal.

Aquelles persones comenenciudes en participar nel proyectu tendrán d’unviar el so CV n’inglés a europaquigmail.com. El plazu pa unviar solicitúes remata’l 8 de setiembre.