España ye’l quintu meyor país del mundu pa nacer muyer según un estudiu

A pesar de les cifres de violencia machista (44 asesinaes hasta’l 9 de payares), paez qu’España ye unu de los meyores países para nacer muyer del mundu.

Siquier, a esto apunta’l ranking ‘Women, Peace, and Security Index’ acabante publicar pol Georgetown Institute for Women, Peace and Security, qu’asitia a España na quinta posición d’ente los qu’ufierten un mayor bienestar a les muyeres.

La clasificación compara once indicadores en relación a los niveles d’inclusión, protección llegal y seguridá qu’ufierten los Estaos a les sos ciudadanes. Nestos, España puntúa especialmente alto n’inclusión económica d’estes, ausencia de lleis discriminatories y percepción de les muyeres del nivel de seguridá, ente otros.